Պղպեղով աղցան. Նման նախուտեստը միշտ իր տեղը կգտնի սեղանին:
Բուլղարական պղպեղը հիանալի է տարբեր ուտեստներ և աղցաններ պատրաստելու համար: Շատերն են պատրաստում պահածոյացված աղցաններ, որոնց համը շատ նման է թարմ բանջարեղենի համին:
Պղպեղով աղցան. Անհրաժեշտ բաղադրիչները
_Բուլղարական պղպեղ 1,7 կգ
_Թարմ կանաչի՝ ըստ ճաշակի 1 փունջ
_Սխտոր 6 պճեղ
_Կծու պղպեղի կեսը
_Քացախ 9% 100 մլ
_Բուսական յուղ 100 մլ
_Աղացած պղպեղ 1 թեյի գդալ
_Շաքարավազ 4 ճաշի գդալ
_Աղ 2 ճաշի գդալ
Պղպեղով աղցան. Պատրաստման եղանակը
_Աղցանը ոչ միայն համեղ, այլև գեղեցիկ դարձնելու համար ընտրել բազմագույն պղպեղ՝ մսոտ և պինդ:
_Վերցնել կանաչիները ըստ ճաշակի՝ ռեհան, սամիթ, մաղադանոս կամ համեմ:
_Կտրել պղպեղը բարակ շերտերով, կտրատել կանաչիները:
_Խառնել պղպեղը, կանաչիները, կտրատած սխտորը, աղը, շաքարը, պղպեղը, բուսական յուղը և քացախը:
_Թողնել 2 ժամ ՝ երբեմն խառնելով:
_Պետք է աղցանը սեղմելով դնել մաքուր բանկաների մեջ, և լցնել առաջացած հյութը:
_Կափարիչներով ծածկել և տակը սրբիչ փռած կաթսայի մեջ դնել:
_Լցնել տաք ջուրը մինչև բանկաների ուսերը և մանրէազերծել այն պահից, երբ ջուրն արդեն եռում՝ է 15 րոպե:
_Փակել կափարիչներով և սառչելուց հետո բանկաները դնել նկուղում կամ պահարանում:
Աղցանը հիանալի կերպով համակցվում է տարբեր կողմնակի ուտեստների, մսով և ձկնամսով նախուտեստների հետ: Այն կարելի է ավելացնել շոգեխաշած բանջարեղենին, բորշչին և այլն:
Բարի ախորժակ:
Տեսանյութ
Կարմիր պղպեղ