15 տարի է, ինչ Պղպեղով և լոլիկով լեչո եմ պատրաստում ամեն սեզոն:
Հիանալի խորտիկ է, որը սիրում են բոլորը մեր ընտանիքում: Այս լեչոն կարող եք հենց այդպես մատուցել սեղանին կամ ավելացնել բանջարեղենով շոգեխաշած ուտեստներին, բորշչին և ապուրներին:
Պղպեղով և լոլիկով լեչո. Հարկավոր են հետևյալ բաղադրիչները
_ Լոլիկ 5 կգ
_Պղպեղ 3 կգ
_Աղ 3 ճաշի գդալ
_Շաքար՝ ըստ ճաշակի
Պղպեղով և լոլիկով լեչո. Պատրաստման եղանակը
_Եթե ցանկանում եք, որ սոուսը, որի մեջ լցվում է պղպեղը, թանձր լինի, ապա վերցրեք շատ լոլիկ և լավ եռացրեք, որ հեղուկը գոլորշիանա։
_Կարող եք ամեն ինչ վերցնել նաև ըստ ճաշակի, ոչ թե սահմանված չափերով, լոլիկը պետք է լինի հյութալի ու մսոտ, քաղցր պղպեղը նույնպես մսոտ, հասունացած: Պղպեղը կտրել ցանկացած հարմար ձևով:
_Լոլիկը մանրացնել բլենդերով կամ մսաղացով և դնել կրակին։
_Աղ ու շաքար ավելացնել ըստ ճաշակի: Երբ եռա, կրակն իջեցնել և եռացնել 1,5 ժամ։
_Ժամանակը կարող եք կրճատել, եթե մաղով քամեք և բաժակով հեռացնել ավելորդ հեղուկը։ Այս դեպքում եռման գործընթացը կտևի 30 րոպեից ոչ ավելի։
_Ավելացնել պղպեղը, նորից հասցնել եռման, այդ պահից սկսած եփել 15 րոպե։
_Այս փուլում կարող եք ավելացնել աղ և շաքարավազ, եթե բավարար չէ:
_Պատրաստի լեչոն լցնել ստերիլիզացված բանկաների մեջ փակել կափարիչներով և թողնել սառչի սենյակային ջերմաստիճանում:
Պահածոների բանկաները պահեք նկուղում կամ մառանում:
Լեչոն ստացվում է բնական համով, աղի և շաքարի լավ հավասարակշռությամբ, թթվայնություն չկա, քանի որ այն պատրաստելիս քացախ չի ավելացվում։
Բարի ախորժակ:
