Ամենապարզ բաղադրատոմսով հեշտորեն կարող եք պատրաստել ռիզոտտո բանջարեղենով: Սա հիանալի եղանակ է այս իտալական ուտեստը եփելու համար: Դրա համար հազվագյուտ բաղադրիչներ պետք չեն, այնպես որ կարող եք վստահ կերպով փորձարկումներ կատարել:
Անպայման ուշադիր եղեք բրնձի ընտրության հարցում, ռիզոտոյի համար անհրաժեշտ են հատուկ սորտեր՝ արբորիո, վիալոնե նանո կամ կարնարոլի:
Ռիզոտտո բանջարեղենով. Անհրաժեշտ բաղադրիչները
_Բանջարեղենի արգանակ 1 լիտր
_Մի բուռ թարմ ոլոռ
_Փոքր դդմիկ 3 հատ
_Կարնարոլի (կլոր) բրինձ 250 գր
_Ձիթապտղի յուղ 2 ճաշի գդալ
_Պարմեզան պանիր 50 գր
_Սև պղպեղ
_Սոխ 1 հատ
Ռիզոտտո բանջարեղենով. Պատրաստման եղանակը
_Մաքրել և կտրատել սոխը։ Կտրել դդմիկը մեծ խորանարդներով: Պանիրը քերել խոշոր քերիչով։ Արգանակը հասցնել եռման աստիճանի և թողնել թույլ կրակի վրա։
_Տապակի մեջ տաքացնել ձեթը։ Ավելացնել սոխը, տապակել միջին ջերմության վրա՝ պարբերաբար խառնելով և չթողնելով այրվի 8-10 րոպե մինչև թափանցիկանա:
_Ավելացնել բրինձը և տապակել ամեն ինչ միասին, մինչև բրինձը թափանցիկ դառնա և յուրաքանչյուր հատիկի կենտրոնում մնա միայն սպիտակ, անթափանց կետ՝ մոտ 5 րոպե:
_Ավելացնել 1 շերեփ արգանակ, եփել՝ երբեմն խառնելով, մինչև հեղուկի մեծ մասը ներծծվի։
_Ավելացնել ևս 1 շերեփ արգանակ, եփել այս ռեժիմով, մինչև բրինձը փափկի և յուղալի լինի (սակայն, այն պետք է մի փոքր պինդ լինի կենտրոնում):
_Ավելացնել դդմիկը և ոլոռը, խառնել, եփել 1 րոպե։ Կրակից վերցնել, ավելացնել պանիրն ու լավ խառնել։
_Լցնել ապուրի ամանների մեջ, համեմել սև պղպեղով, մատուցել անմիջապես։
Բարի ախորժակ:
Տեսանյութ
Կոլոլակով բրնձով փլավ
