Դդմիկով խորտիկ Ռուլետ աղցանը ոչ միայն շատ գեղեցիկ է, այլև համեղ:
Դուք կարող եք փոփոխել միջուկները և ամեն անգամ պատրաստել նոր, օրիգինալ խորտիկ:
Ռուլետ աղցան. Անհրաժեշտ բաղադրիչները
_Դդմիկ 2 հատ
_Ձու 3 հատ
_Թթվասեր 1 ճաշի գդալ
_Ալյուր 3 ճաշի գդալ
_Աղ 0,5 թեյի գդալ
Միջուկի համար
_Երշիկ կամ եփած հավի միս 100 գր
_Լոլիկ 1 հատ
_Սխտոր 2 պճեղ
_Աղ, պղպեղ, մայոնեզ՝ ըստ ճաշակի
_Կանաչիներ՝ ըստ ճաշակի
_Հալած պանիր 3 հատ
Ռուլետ աղցան. Պատրաստման եղանակը
_Մի դդմիկը կտրատել շրջանակներով, երկրորդը՝ քերել խոշոր քերիչով։
_Երկու վիճակների դդմիկներին աղ անել և թողնել 5 րոպե։
_Քամած դդմիկը քամել, խառնել ձվի, ալյուրի, թթվասերի, աղի և պղպեղի հետ՝ ըստ ճաշակի, զանգվածը լավ խառնել։
_Ջեռոցի տապակը ծածկել յուղաթղթով և լցնել դդմիկի զանգվածը։
_Վրան դնել ավելորդ խոնավությունից չորացրած դդմիկի շրջանակները։
_Թխել 180 աստիճանով մոտ 15-20 րոպե։
_Միջուկի համար պանիրը և սխտորը քերել քերիչով, խառնել, ավելացնել կանաչին, պղպեղը, համեմունքները, մայոնեզը։
_Հեռացնել թխված դդմիկի վրայից յուղաթուղթը և թողնել սառչի:
_Շերտի վրա տարածել պանրի զանգվածը։
_Հավի միսը կամ երշիկը մանր կտրատել և դնել պանրի երեսին, վրան շարել լոլիկի կտորները, կարող եք օգտագործել տարբեր կանաչիներ և հազար։
_Ամուր ոլորել և սննդային թաղանթով փաթաթել, որից հետո մի երկու ժամով դնել սառնարանը։
Ախորժելի նախուտեստը կտրատեք մասերի և գեղեցիկ շարեք ափսեի վրա։
Շատ համեղ է ստացվում, կարող եք ավելացնել նաև տարբեր կծու սոուսներ։
Բարի ախորժակ:
Տեսանյութ
Հավով ռուլետ
