Սամիթի սոուս. Նրբահամությունը հարմար է մսեղենով ճաշատեսակների համար
եթե ուզում եք ավելի երկար ժամանակ վայելել թարմ անուշաբույր կանաչիների համաը, և հատկապես, եթե սամիթի սիրահար եք, ինչպես ես, ապա առաջարկում եմ պատրաստել իմ ֆիրմային պատրաստուկներից մեկը՝ սամիթով սոուս ձմռան համար:
Այն հիանալի կերպով համադրվում է կարտոֆիլի, մսի և ձկան ուտեստների հետ: Կծու սոուսի ընդամենը մեկ գդալը կօգնի ձեզ մի փոքր ամառ զգալ ցրտի կեսին: Ավելի հարուստ համի համար փորձեք սամիթը խառնել այլ կանաչիների հետ: Օրինակ ես պատրաստում եմ մի քանի բանկա՝ համեմով: Մսի հետ՝ անզուգական է:
Սամիթի սոուս. Անհրաժեշտ բաղադրիչները
Սամիթ 1 փունջ
Սխտոր 3 պպճեղ
Ձիթապտղի յուղ 2 ճաշի գդալ
Կիտրոն 0,5 հատ
Սամիթի սոուս. Պատրաստման եղանակը
Սամիթի մեծ փունջը լավ լվանալ: Ցանկալի է 5-10 րոպե թրջած թողնել ջրի մեջ:
Ապա չորացնել սամիթը: Հեռացնել կոշտ ցողունները և թելիկները լցնելլ բլենդերի ամանի մեջ:
Վրան քամել կիտրոնի հյութը: Կիտրոնի հյութով սամիթին ավելացնել սխտոր, ձիթապտղի յուղ (կարելի է փոխարինել արևածաղկի ձեթով) և հարել մինչև հարթվի ամբողջը:
Սոուսը տեղափոխել մաքուր, չոր բանկաների մեջ, փակել կափարիչով և պահել սառնարանում:
Սամիթով սոուսը կարելի է աղել, բայց ես նախընտրում եմ չօգտագործել լրացուցիչ համեմունքներ: Նրանք խաթարում են կանաչիների յուրահատուկ համը:
Մի վախեցեք շատ պատրաստել ձմռան համար, դրանք լավ են պահվում: Չնայած ես իմ փորձից գիտեմ, որքան էլ որ անես, միևնույն է, բավարար չէ:
Բարի ախորժակ:
Տեսանյութ
Մածնաբրդոշ կամ ակրոշկա
