Սեխի պահածո. Ձմռանը կարելի է մատուցել որպես առանձին դեսերտ և զարմացնել հյուրերին

Սեխի պահածո. Ի՞նչ եք կարծում, կարո՞ղ եք համեղ, անուշաբույր և քաղցր սեխով հյուրասիրվել միայն սեզոնին: Շատերը կասեն՝ ոչ:

Բայց մենք կներկայացնենք, թե ինչպես պահածոյացնել սեխը: Ստացվող նախուտեստը շատ համեղ է, այն կարելի է ուտել որպես առանձին աղանդեր, ինչպես նաև օգտագործել որպես կարկանդակների, խմորեղենի և աղանդերի միջուկ:

Սեխի պահածո. Անհրաժեշտ բաղադրիչները

_Սեխ՝ ըստ ճաշակի

_Շաքարավազ — 500 գ 1 լիտր ջրի համար

_Կիտրոնաթթու — 1 թեյի գդալ, 1 լիտր ջրի համար

Սեխի պահածո. Պատրաստման եղանակը

_Մենք ունենք 5 կգ 700 գրամ ընդհանուր քաշով սեխ: Այն պետք է լվացվի և մաքրվի:

_Կտրել, ինչպես ցանկանում եք, ոչ շատ խոշոր կամ չափազանց մանր, և անմիջապես լցնել բանկաների մեջ:

_Սեխի այս քանակից ստացվել է 4 կես լիտրանոց տարա և 5 հատ 1 լիտրանոց տարա:

_Այս քանակությամբ բանկաների համար վերցնել 2,5 լիտր ջուր (եթե այլ քանակ ունեք, տես բաղադրության նկարագրությունը 1 լիտր ջրի համար):

_Յուրաքանչյուր լիտր ջրի համար վերցնել 0.5 կգ շաքար և մի թեյի գդալ կիտրոնաթթու:

_Դնել օշարակը կրակի վրա և եռացնել: Եռալուց հետո վերցնել կրակից և լցնել սեխով բանկաների մեջ:

_Ծածկել կափարիչներով: Վերցնել մի մեծ կաթսա, սրբիչը փռել ներքևում և վրան շարել բանկաները: Լիտրանոցներն առանձին, կես լիտրանոցներն՝ առանձին:

_Տաք ջուրը կաթսայի մեջ լցնել՝ մինչև բանկաների ուսերը:

_Կրակի վրա դնել, ջուրը եռալուն պես ստերիլիզացնել 0,5 լիտրանոցները 10 րոպե, լիտրանոցները՝ 15 րոպե:

_Դրանից հետո անջատել կրակը և զգուշորեն հանելով բանկաները, փակել կափարիչներով:

_Անմիջապես շրջել բանկաները և փաթաթել ծածկոցով, այսպես դրանք պետք է թողնել, որ ամբողջովին սառչեն:

Նման սեխը հիանալի պահվում է բնակարանում: Շատ համեղ է, չեք փոշմանի:

Բարի ախորժակ:

Տեսանյութ

Ժելե ցիտրուսներով և կոմպոտով