Շատ տնային տնտեսուհիներ դժգոհում են, որ սխտորը վատ է պահվում ձմռանը, ուստի այս բաղադրատոմսով փորձեք պահածոյացնել սխտորը և այն պահպանել շատ երկար ժամանակ:
Այս կերպ պատրաստված մածուկը գործնականում ունիվերսալ է, այն կարող եք օգտագործել ցանկացած ուտեստի պատրաստման ժամանակ, որի բաղադրատոմսում կիրառվում է սխտոր: Նույնիսկ կարելի է թեթև շերտով քսել տաք կարագահացի վրա:
Մածուկի օգտագործման անթիվ տարբերակների պատճառով լավ կլինի ունենալ այն պահոցում և միշտ ախորժելի ուտեստներ պատրաստել: Բաղադրատոմսը շատ պարզ է և շատ հեշտ, պատրաստվում է մի քանի քայլով:
Սխտորի մածուկ. Պատրաստելու համար անհրաժեշտ բաղադրիչներ
1 կգ կեղևահան արված սխտորի համար
_Կես կիտրոնի հյութ
_Աղ 1 ճաշի գդալ
_Բուսական յուղ 50 մլ
Սխտորի մածուկ. Պատրաստման եղանակը
_Կճեպից մաքրել սխտորը, լվանալ սառը ջրով, թող լավ ցամաքի: Դրանից հետո մի քանի կտորի բաժանել ու լավ մանրացնել բլենդերով:
_Պատրաստված խյուսի վրա պետք է ավելացնել աղ, լցնել կիտրոնի հյութ և ամեն ինչ մանրակրկիտ խառնել: Թող այդպես մնա մոտ 10 րոպե:
_10 րոպե անցնելուց հետո նորից խառնել և նախապես պատրաստած բանկաների մեջ լցնել, փակել կափարիչներով և դնել սառնարանում պահեստավորման համար:
_Ձմռան համար նախապատրաստված սխտորի մածուկը պատրաստ է: Անպայման պատրաստեք այս մածուկը և կհամոզվեք, որ անհնար է պատկերացնել ավելի լավ միջոց` ձմռան համար պահվելիք սխտորը փրկելու համար:
Սխտորի մածուկը պատրաստ է:
Լավ տրամադրություն ձեզ, բարի ախորժակ:
Տեսանյութ
Տնական մայոնեզ