Սմբուկի պահածո՝ խորովածի համով. Այս հետաքրքիր պահածոն շատ սիրվի, որովհետև ունի խորովածի համ: Բայց եթե միսը միշտ չէ, որ հալվում է ձեր բերանում, ապա սմբուկի դեպքում միշտ շահում եք:
Ինչպես մայրս է ասում, ձմռան համար սմբուկի պահածո պատրաստելու համար մեծ փորձ պետք չէ: Եվ այնուամենայնիվ, եթե ես ուզում եմ դա անել ինքնուրույն, ապա բաղադրատոմսը վերհիշելու համար անպայման դիմում եմ նրան: Այս տարի նա մի հետաքրքիր տարբերակի մասին ասաց: Մենք արդեն փորձել ենք և ընտանիքս պատվիրել է մեծ քանակով պատրաստել ձմռան համար:
Ամեն տարի սմբուկի պահածո անպայման պատրաստում ենք, բայց լավ է նոր տարբերակներ փորձել, որ թարմ ու յուրահատուկ համեր զգաք ուրտ եղանակին:
Սմբուկի պահածո՝ խորովածի համով. Անհրաժեշտ բաղադրիչներ
_Սմբուկ 2 հատ
_Սոխ 500 գ
_Սխտոր 1 հատ
_Ջուր 150 մլ
_Աղ 1,5 ճաշի գդալ
_Համեմունք մսի համար 2 թեյի գդալ
_Շաքարավազ 2 ճաշի գդալ
_Քացախ 80 մլ
_Արևածաղկի ձեթ ՝ ըստ ճաշակի
Սմբուկի պահածո՝ խորովածի համով. Պատրաստման եղանակը
_Լվանալ սմբուկները, կտրել ցողունները, մաքրել կեղևը: Պտղամիսը կտրել մեծ խորանարդներով: Մաքրել սոխը, կտրել բարակ կես օղակներով: Սխտորը ճզմել մամլիչով:
_Տաքացված բուսական յուղի մեջ տապակել սմբուկի խորանարդները մինչև փափկեն: Թողնել, որ ամբողջովին սառչեն: Այդ ընթացքում պատրաստել մարինադը` խորը կաթսայի մեջ լցնել ջուրը, շաքարն ու աղը, վրան լցնել քացախը և խառնել:
_Խառնուրդը եռացնել և եփել մեկ րոպե: Դրանից հետո ամբողջովին սառեցնել մարինադը:
_Սմբուկները շերտերով շարել խորը կաթսայի մեջ: Նրանց միջեւ լցնել սոխ, սխտոր և խորովածի համեմունքներ: Մի խնայեք վերջինս:
_Այժմ մարինադը լցնել սմբուկի վրա, սմբուկը ծածկել ափսեով և վրան ծանրոց դնել: Դնել սառնարանում ամբողջ գիշեր: Այս ընթացքում հյութը պետք է առանձնանա:
_Հաջորդ առավոտ ստերիլացնել բանկաներն ու կափարիչները: Բանկաները լցնել սմբուկով, սոխով և սխտորով: Համաչափ լցնել մարինադը: Լայն կաթսայի հատակին սրբիչ դնել: Ծածկել բանկաները կափարիչով, տեղադրել կաթսայի մեջ փռված սրբիչի վրա: Լցնել տաք ջուրը մինչև բանկաների «ուսերին» հասնի: Ցանկալի է կափարիչների վրա որևէ բան դնել, որ չտեղաշարժվեն: Կաթսայի մեջ լցված ջուրը եռացնել: Ստերիլացնել պահածոները 10 րոպե:
_Դրանից հետո զգուշորեն հանել բանկաները և փակել կափարիչները: Փակված բանկաները գլխիվայր շրջել և փաթաթել տաք ծածկոցով: Թող դրանք ամբողջովին սառչեն:
Խորհուրդ ենք տալիս ձմռան համար սմբուկի պահածոն փորձել 3-4 օր հետո: Այդ ընթացքում դրանք ամբողջովին կմարինացվեն, կլինեն բավական փափուկ և բուրավետ: Մատուցեք այս հիանալի խորտիկը և հյուրերը չեն կարող այն տարբերել գրիլի վրա եփված մսից:
Սմբուկի պահածո՝ խորովածի համով պատրաստ է:
Բարի ախորժակ:
