Ցուրտ եղանակին շատ հաճելի է, երբ կարող ես բացել այսպիսի ախորժելի ու բուրավետ սմբուկով աղցանի մի բանկա և ամառային տաք տրամադրություն ստեղծել:
Առաջարկում ենք պատրաստել այս համեղ պահածոն և ողջ ձմեռ վայելել: Ավելին, այս փակոցի մեծ առավելություններից է այն, որ պատրաստվում է արագ ու հեշտ, անհրաժեշտ է ընդամենը ամեն ինչ կտրատել ու լցնել եփելու: Շատ կարճ ժամանակ պատրաստելուց հետո լցնել բանկաների մեջ:
Ձմռան համար այս պահածոն շատ հարմար է, անցեք գործի:
Սմբուկով աղցան ձմռան համար. Անհրաժեշտ բաղադրիչները
_Սմբուկ — 2 կգ
_Լոլիկ — 1 կգ
_Քաղցր պղպեղ — 1 կգ
_Սոխ — 1 կգ
_Աղ — 2 ճաշի գդալ
_Շաքար — 1 բաժակ
_Արևածաղկի ձեթ — 2 ճաշի գդալ
_Ջուր — 2 բաժակ
_Քացախ 9% — 70 գրամ
_Սխտոր — 7 պճեղ
Սմբուկով աղցան ձմռան համար. Քայլ առ քայլ բաղադրատոմս
_Կտրատել լոլիկը:
_Կտրել պղպեղը շերտերով, սոխը` կես օղակներով:
_Կտրեք սմբուկները ոչ շատ փոքր կտորներով:
_Կաթսայի մեջ լցնել լոլիկը, պղպեղը, սոխը և սմբուկը: Ավելացնել աղ, շաքար, արևածաղկի ձեթ և ջուր:
_Մթերքով կաթսան դնել կրակի վրա և թող հասնի եռման, դրանից հետո եփել ևս 20 րոպե:
_Այդ ընթացքում սխտորը մաքրել և լավ մանրացնել:
_20 րոպե հետո ավելացնել սխտորը և քացախը: Թող մի քանի րոպե եփվի և անմիջապես լցնել ստերիլիզացված բանկաների մեջ:
_Ամուր փակել կափարիչները և գլխիվայր շրջելով բանկաները` թող ամբողջովին սառչեն:
_Վերջում պետք է սառը մառանում շարել, որ ավելի լավ պահպանվեն:
Սմբուկով աղցանը ձմռան համար պատրաստ է: Լավ պատրաստություն տեսեք ձմեռվա համար:
Բարի ախորժակ:
