Սմբուկով աղցան. Հեշտ պատրաստվող և անչափ համեղ ուտեստ

Շատ հեշտ պատրաստվող Ծաղկակաղամբով և Սմբուկով աղցանը շատ համեղ ու նուրբ է ստացվում։

Սմբուկով աղցան. Անհրաժեշտ բաղադրիչները

_Սմբուկ 1 հատ

_Քաղցր պղպեղ 1 հատ

_Սոխ 1 հատ

_Ծաղկակաղամբ 300 գր

_Լոլիկ 2 հատ

_Բուսական յուղ 2 ճաշի գդալ

_Կանաչիներ՝ ըստ ճաշակի

_Աղ և սև պղպեղ՝ ըստ ճաշակի

Սմբուկով աղցան. Պատրաստման եղանակը

_Ծաղկակաղամբը խաշել աղ արած ջրի մեջ 3 րոպե, հանել, սառեցնել և բաժանել ծաղկաբույլերի։

_Մաքրել սմբուկը և կտրատել մեծ խորանարդներով։

_Սոխը կտրատել կիսաօղակներով և մարինացնել 2 ճաշի գդալ կիտրոնի հյութի, մեկ թեյի գդալ շաքարավազի և մի քիչ աղի մեջ, 1 գդալ բուսական յուղ, խառնել և մարինացնել սոխը 10 րոպե։

_Քաղցր պղպեղը կտրատել մեծ կտորներով:

_Լոլիկը բաժանել 2 մասի, հանել սերմերը և շերտերով կտրատել։

_Թղթե սրբիչներով չորացրած սմբուկը տապակել։

_Տապակել քաղցր պղպեղը:

_Սմբուկն ու պղպեղը, ծաղկակաղամբը, լոլիկն ու սոխը խառնել մարինադի հետ, ավելացնել կանաչիներ ըստ ճաշակի, պղպեղ ու աղ անել ըստ ճաշակի, խառնել։

_Աղցանը կատարյալ է օրինակ խորովածի համար՝ այն յուղոտ չէ և համադրվում է հագեցնող ուտեստների հետ։

Բարի ախորժակ

Տեսանյութ

Շատ շքեղ լցոնած սմբուկ