Սմբուկով աղցան. Թեթև դյուրամարս ուտեստ

Սմբուկով աղցանը հիանալի է տոնական սեղանին։ Սմբուկը լավ համ է ստանում ջերմային մշակման ցանկացած ձևով:

Սմբուկը շատ լավ է համադրվում գրեթե ցանկացած այլ մթերքի հետ՝ թե նուրբ սերուցքով, թե մսով, թե նույնիսկ թթու մրգերով ու պանիրով։

Սմբուկով աղցան. Անհրաժեշտ բաղադրիչները

_Միջին չափի սմբուկ 3-4 հատ (600 գր)

_Խոշոր աղ 1,5 թեյի գդալ

_Լոլիկ 800 գր

_Ձիթապտուղ՝ առանց կորիզների 100 գր

_Սխտոր 4 պճեղ

_Պանիր 100-120 գր

_Ձիթապտղի յուղ 60 մլ

_Չոր կծու պղպեղի փաթիլներ 1/4 — 1/2 թեյի գդալ

_Կանաչ ռեհան 5 ճյուղ

_Աղ՝ ըստ ճաշակի

Սմբուկով աղցան. Պատրաստման եղանակը

_Սմբուկը մաքրել (ըստ ցանկության) և կտրատել 2 սմ խորանարդներով, համեմել աղով։

_Թավայի մեջ տաքացնել 1-2 ճաշի գդալ ձիթապտղի յուղը, ճզմած սխտորը և սմբուկը։

_Տապակել միջին կրակի վրա 10 րոպե, խառնել 2-2,5 րոպե ընդմիջումներով, ավելի հաճախակի խառնելով, որ սմբուկը շատ չմանրանա։

_Տեղափոխել ափսեի մեջ, թողնել մի փոքր սառչի:

_Լոլիկը կտրատել խորանարդներով, հեռացնել ռեհանի տերևները ճյուղերից։

_Բոլոր բաղադրիչները խառնել սմբուկի հետ, ըստ ճաշակի համեմել աղով և կարմիր պղպեղով, կրկին խառնել։

_Պանիրը մանրացնել և ցանել աղցանի վրա:

Բարի ախորժակ:

Տեսանյութ

Սմբուկով դդմիկով նոր բաղադրատոմս