Սմբուկով խորտիկ. Ավելի համեղ է, քան սնկով նախուտեստները

Սմբուկով խորտիկ օրիգինալ նախուտեստ, որը համով չի տարբերվում սնկով կերակրատեսակներից։

Պատրաստման համար ձեզ հարկավոր է ընդամենը մի քանի մթերք և նվազագույն ծախսած ժամանակ։

Սմբուկով խորտիկ. Անհրաժեշտ բաղադրիչները

_Սմբուկ 3 — 4 հատ

_Սոխ 1 հատ

_Սխտոր 5 պճեղ

_Սամիթ՝ ըստ ճաշակի

_Աղ 1,5 թեյի գդալ

_Շաքարավազ 1 ճաշի գդալ

_Խնձորի քացախ 4 ճաշի գդալ

_Պղպեղ, անուշաբույր կանաչիներ՝ ըստ ճաշակի

_Բուսական յուղ 3 ճաշի գդալ

Սմբուկով խորտիկ. Պատրաստման եղանակը

_Սմբուկը կտրատել խորանարդներով և խաշել աղ արած ջրի մեջ մոտ 3 րոպե։

_Գդալով հանել և լցնել մաղի մեջ և թողնել, որ լավ քամվի կամ ծանրոց դնել դրանց վրա, թողնել սառչի:

_Սոխը կտրատել բարակ կիսաօղակներով կամ ինչպես ցանկանում եք։

_Խառնել սոխը սմբուկը և քերած սխտորը, որոնք կարող եք ավելի քիչ կամ շատ վերցնել:

_Ավելացնել մանր կտրատած սամիթը և ցանկության դեպքում՝ մաղադանոս։

_Ավելացնել աղը, շաքարավազը, սև պղպեղը ըստ ճաշակի, լցնել քացախը և բուսական յուղը։

_Խառնել աղցանը, ծածկել և դնել սառնարանը 1 ժամ՝ երբեմն խառնելով։

Այսպիսի բուրավետ, հագեցնող խորտիկը կարելի է երկար պահել սառնարանում: Որքան երկար մնա, այնքան ավելի համեղ է դառնալու։

Բարի ախորժակ:

Տեսանյութ

Սմբուկով աղցան 3 հաեղ տարբերակ