Սմբուկով նախուտեստ. Համեղ մարինացված աղցան

Սմբուկով նախուտեստը միշտ մեծ պահանջարկ ունի, ուստի այս բաղադրատոմսը մեր ամենասիրելիներից է։

Տարբեր բանջարեղեններով մարինացված սմբուկները, հիանալի հավելում կլինեն ճաշի, ընթրիքի և տոնական սեղանի համար:

Սմբուկով նախուտեստ. Անհրաժեշտ բաղադրիչները

_Սմբուկ 1 կգ

_Գազար 1 հատ

_Սոխ 1 հատ

_Քաղցր պղպեղ 1 հատ

_Սխտոր 4-6 պճեղ

_Աղ 1 թեյի գդալ

_Պղպեղ՝ ըստ ճաշակի

_Շաքարավազ 2 ճաշի գդալ

_Սեղանի քացախ 2 ճաշի գդալ

_Ջուր 2 ճաշի գդալ

_Կանաչիներ՝ ըստ ճաշակի

Սմբուկով նախուտեստ. Պատրաստման եղանակը

_Սմբուկը կտրատել մինչև 5 մմ հաստությամբ շրջանակներով։

_Եթե բանջարեղենը երիտասարդ չէ, ապա պետք է ցանել աղ և թողնել 10 րոպե, հետո լվանալ սառը ջրով, որպեսզի դառնությունը վերանա։

_Քերել գազարը խոշոր քերիչով, կտրատել սոխը բարակ կիսաօղակներով, քաղցր պղպեղը՝ նույնպես կտրատել կիսաօղակներով։

_Սմբուկը քամել և տապակել բուսայուղի մեջ, մինչև ոսկե դարչնագույնը, թողնել սառչի։

_Տապակել գազարը, սոխը և քաղցր պղպեղը։

_Մանրացնել սխտորն ու կանաչիները և խառնել բանջարեղենի հետ։

_Տարայի մեջ դնել սմբուկը և բանջարեղենը շերտերով։

_Մարինադի համար խառնել շաքարավազն ու աղը, քացախն ու ջուրը, լցնել բանջարեղենի վրա։

_Տարան ծածկել կափարիչով և դնել սառնարանը 6 ժամ՝ մարինացնելու համար։

Թարմ, բուրավետ և օրիգինալ նախուտեստ, որը պատրաստվում է պարզ և մատչելի բանջարեղենից։ Եթե ​​կծու եք սիրում, ավելացրեք կծու պղպեղի կտորներ կամ պղպեղի խառնուրդ։

Բարի ախորժակ:

Տեսանյութ

Շատ համեղ սմբուկով ուտեստ