Սմբուկով պահածո. Այն համով նման է սնկի, ձմռանը արագ սպառվող ուտեստներից է 

Սմբուկով պահածո. Այն համով նման է սնկի, ձմռանը արագ սպառվող ուտեստներից է

Արդեն բավական ժամանակ է, որ նման բաղադրատոմսերը սիրված են: Դրանցում մի մթերքը փոխարինվում է մյուսով, բայց համը մնում է նույնը:

Սմբուկները հաճախ օգտագործվում են ուտեստին սունկի կամ մսի համ հաղորդելու համար: Սմբուկները չեզոք համով բանջարեղեն են, ուստի դրանց կարող է տրվել նաև այլ համ:

Սմբուկով պահածո. Անհրաժեշտ բաղադրիչները

_Սմբուկ 3 կգ

_Սոխ 300 գ

_Սխտոր 1 գլուխ

_Բուսական յուղ 200 մլ

_Խորովածի համեմունք 15 գ

_Պղպեղ 10 հատ

_Աղ 1,5 ճաշի գդալ

_Շաքարավազ 2 ճաշի գդալ

_Քացախ 9% 70 մլ

_Ջուր 150 մլ

Սմբուկով պահածո. Պատրաստման եղանակը

_Սմբուկները մաքրել և կտրել կտորներով:

_ Ջրի մեջ լցնել մի գդալ աղ և թրմել սմբուկները 15 րոպե:

_Չորացնել կտորները թղթե սրբիչով և տապակել բաժիններով՝ մինչև ոսկե դարչնագույնը:

_Կտրել սոխը կիսաօղակներով:

_Աղը և շաքարը լուծել ջրի մեջ, դնել պղպեղ և դափնու տերև, եռացնել և մեջը լցնել քացախը: Մարինադը դնել սառչելու:

_Սմբուկները, սոխը և սխտորի պճեղները շերտերով դնել տարայի մեջ, ավելացնել համեմունք, լցնել մարինադը, վրան ծանրոց դնել, թողնել ողջ գիշեր:

_Առավոտյան պետք է դասավորել մաքուր բանկաների մեջ, վրան լցնել հյութը, ծածկել կափարիչներով:

_Կաթսայի մեջ սրբիչ փռել, բանկաները շարել մեջը, լցնել ջուրը, ստերիլիզացնել ջրի եռման պահից՝ 10 րոպե (0.5 լ բանկաները):

_Այժմ փակել կափարիչներով և թողնել, որ սառչի: Պահել նկուղում կամ պահարանում:

Աղցանը ստացվում է զարմանալի, իսկական սնկի համով: Ավելացրեք համեմունքներ և կանաչիներ` ըստ ճաշակի: Մատուցելիս ավելացրեք ավելի աղացած սխտոր և վրան ցանեք կտրատած թարմ կանաչիներ:

Բարի ախորժակ:

Տեսանյութ

Սմբուկով տաք նախուտեստ