Սմբուկով պահածո. Թեթև և յուրօրինակ ուտեստ, որը ամառային շունչ կհաղորդի ձմռանը
Սմբուկները շատ լավ են համակցվում մսի, բրնձի և հատիկեղենի հետ: Իսկ ձմռանը նրանք հաճելի կլինեն խորովածի հետ:
Սմբուկով պահածո. Անհրաժեշտ բաղադրիչները
- Սմբուկ 2 կիլոգրամ
- Սոխ 0,5 կիլոգրամ
- Սխտոր 5 պճեղ
- Խորովածի համեմունք՝ ըստ ճաշակի
- Ջուր 150 մլ
- Աղ 1, 5 ճաշի գդալ
- Շաքար 2 ճաշի գդալ
- Քացախ (9%) 80 մլ
Սմբուկով պահածո. Պատրաստման եղանակը
- Սմբուկը պետք է լվանալ, պոչերը կտրել, կեղևը մաքրել: Մաքրած սմբուկները մեջտեղից կիսել, ապա խոշոր կտորներով կտրատել:
- Կտրել սոխը կիսաօղակներով և սխտորը մանրացնել բարակ կտորներով:
- Տապակը դնել կրակի վրա, լցնել բուսական յուղ, մեջը շարել սմբուկները:
- Տապակել երկու կողմերից, որպեսզի դրանք միայն շագանակագույն լինեն: Լցնել սմբուկները խորը ամանի մեջ և թողնել սառչեն:
- Մարինադ պատրաստել. Ջրի մեջ ավելացնել աղ և շաքար, հենց որ դրանք լուծվեն, ավելացնել քացախ:
- Թող մարինադը 1 րոպե եռա, մի կողմ դնել, մինչև այն ամբողջովին սառչի:
- Մեծ ամանի հատակին դնել սմբուկի շերտ, վրան ավելացնել մի քիչ սխտոր և սոխ, վրան ցանել համեմունքներ:
- Հիմա կրկին դնել սմբուկի, սխտորի և սոխի շերտ: Սառած մարինադը լցնել սմբուկի վրա:
- Ծածկել ափսեով և վրան դնել ծանրոց: Ամանը դնել սառնարանում՝ 12 ժամ:
- Այդ ընթացքում սմբուկները շատ հյութ կթողնեն, դրանք արդեն կարելի է ուտել:
- Բայց, եթե ձմռանը ցանկանում եք վայելել այս ուտեստը, ապա սմբուկները պահածոյացրեք ստերիլ բանկաների մեջ: Սկզբում դնել սոխը, ապա սմբուկը ամուր սեղմել մինչև վերջ:
- Յուրաքանչյուր բանկայի մեջ լցնել մարինադ:
- Հիմա մնում է ստերիլիզացնել բանկաները: Կաթսայի հատակին մի կտոր փռել, բանկաները դասավորել, ծածկել կափարիչներով և լցնել տաք ջուր, եռացնել, ջուրը եռալուց հետո ստերիլացնել ևս 10 րոպե:
- Փակել բանկաները, շրջել գլխիվայր և փաթաթել, թողնել մինչև սառչի:
Նման պահպանումը հիանալի կերպով կպահպանվի նույնիսկ սենյակային ջերմաստիճանում:
Բարի ախորժակ:
Տեսանյութ
Յուրատուկ սմբուկով ուտեստ