Սմբուկով պահածո. Սնկի համով աղցան ձմռան համար

Ձմռան համար այս հրաշալի սմբուկով պահածո աղցանը, շատ համեղ և օրիգինալ նախուտեստ է, որն ավելի շատ նման է սնկով ուտեստի:

Սմբուկով պահածո. Անհրաժեշտ բաղադրիչները

_Սմբուկ 6 կգ

_Սամիթ 1 հատ

_Մաղադանոս 1 հատ

_Թարմ ռեհան 1 փունջ

_Կծու պղպեղ 40 գր

_Սխտոր 150 գր

_Բուսական յուղ 400 մլ

_Քացախի 70% 2 ճաշի գդալ

_Ջուր 6 լ

_Աղ 110 գր մարինադի մեջ և ևս 1 ճ/գ բանկայի մեջ

Սմբուկով պահածո. Պատրաստման եղանակը

_Սմբուկները լավ լվանալ, պոչերը կտրել, 15 րոպե թրջել սառը ջրով։

_Կտրել խորանարդներով:

_Ջուրը եռացնել ու ավելացնել աղը, սմբուկը, եռալուց հետո 7 րոպե եփել ու լցնել քամոցի մեջ, որ ջուրը լավ քամվի։

_Կանաչիները, սխտորն ու կծու պղպեղը մանր կտրատել։

_Կարելի է ավելացնել կանաչիները և համեմունքները ըստ ձեր ճաշակի:

_Այս զանգվածը խառնել տաք սմբուկների հետ, ծածկել և թողնել մի փոքր սառչի։

_800 գրամանոց 10 հատ բանկա է ստացվում:

_Աղցանը բանկաների մեջ լցնելուց առաջ կարելի է համտեսել դրանցից առանձնացող հյութը և եթե աղը բավական չի, ավելացնել։

_Կարելի է ավելացնել ավելի շատ քացախ և լավ խառնել։

_Բուսական յուղը տաքացնել, լցնել սմբուկները, եփել մոտ 10 րոպե, որպեսզի բանջարեղենը տաքանա։

_Լցնել բանկաների մեջ, ավելացնել հյութը և փակել կափարիչներով:

_Բանկաները շրջել, փաթաթել սրբիչով ու թողնել, որ ամբողջովին սառչի։

_Պահել նկուղում կամ պահարանում։

Փորձեք պատրաստել այս բաղադրատոմսը և հաստատ չեք զղջա, նման նախուտեստը պարզապես արքայական է, այն հիանալի համադրվում է տարբեր կողմնակի ուտեստների և ճաշատեսակների հետ։

Բարի ախորժակ:

Տեսանյութ

Սմբուկով տաք նախուտեստ