Սմբուկով և պղպեղով լեչո. Հյութեղ, վիտամիններո հարուստ, աչք շոյող ու ամառվա բույրով պահածո: ստացվում է: Այս պահածոյացված հավելումը կարող է ծառայել որպես կարտոֆիլին, մսին և թռչնամսին զարմանալի պայծառություն ու համ տվող լրացում: Մի կտոր թարմ թխած հացով կամ բոքոնով լեչոն նույնպես շատ համեղ է:
Ցանկության դեպքում սմբուկով և պղպեղով լեչոյին կարելի է ավելացնել մանր կտրատած կանաչիներ` սամիթ, մաղադանոս կամ համեմ: Թարմ կանաչիներն ավելացնել սխտորի հետ միասին և թող եփվի մոտ 10 րոպե: Կանաչիները հատուկ բույրեր կավելացնեն պատրաստի լեչոյին:
Սմբուկով և պղպեղով լեչո. Անհրաժեշտ բաղադրիչներ
_Սմբուկ 1400 գր
_Լոլիկ 800 գր
_Բուլղարական պղպեղ 500 գր
_Գազար 500 գր
_Սոխ 500 գր
_Սխտոր 7 պճեղ
_Շաքար 100 գր
_Աղ 2 ճաշի գդալ
_Բուսական յուղ 1 բաժակ:
_Քացախ 100 մլ
Սմբուկով և պղպեղով լեչո. Պատրաստման եղանակը
Նախ պետք է պատրաստել անհրաժեշտ բոլոր բաղադրիչները:
_Յուրաքանչյուր լոլիկի վրա խաչաձև կտրվածք անել, վրան լցնել եռացրած ջուր և թողնել 1-2 րոպե: Այնուհետև ջուրը քամել և առանց մեծ ջանքերի հանել կեղևը:
_Անցկացնել լոլիկները մսաղացով կամ բլենդերով մանրացնել: Եթե չունեք բլենդեր կամ մսաղաց, ապա կարող եք օգտագործել խոշոր քերիչ (այս դեպքում անհրաժեշտ չէ հեռացնել կեղևը, կտրեք յուրաքանչյուր լոլիկը 2 մասի և քերեք այն):
_Ստերիլացնել բանկաներն ու կափարիչները ցանկացած հարմար եղանակով: Կարելի է, օրինակ, մաքուր կափարիչները և բանկաները դնել սառը ջեռոցում, ջերմաստիճանը սահմանել 180-190 աստիճանի և թողնել 20-30 րոպե:
_Մաքրել գազարը, սոխը և սխտորը, կտրել սմբուկի պոչերը: Լվանալ բոլոր բանջարեղենները հոսող ջրի տակ:
_Գազարները քերել խոշոր քերիչով, իսկ սոխը կտրել բարակ կես օղակներով:
_Կտրել բուլղարական պղպեղը մեջտեղից, հեռացնել միջուկը սերմերով և ցողուններով: Կտրել յուրաքանչյուր կտորը կես օղակներով:
_Սմբուկները մանրացնել խորանարդներով կամ միջին չափի կտորներով:
_Լցնել բուսական յուղը կաթսայի մեջ, կրակի վրա դնել և սպասել, որ յուղը տաքանա: Լցնել գազարն ու սոխը և տապակել: Պարբերաբար խառնել բանջարեղենը, որպեսզի դրանք չայրվեն և այս եղանակով եփել մոտ 7 րոպե:
_Այնուհետև լցնել սմբուկը, բուլղարական պղպեղը և լոլիկը:
_Դրանից հետո ավելացնել աղ և շաքար:
_Զգուշորեն խառնել ամեն ինչ, սպասել, մինչև եռա, և միջին կրակի վրա եփել բանջարեղենը մոտ 30 րոպե:
_Լեչոյի վրա ավելացնել նախապես մանրացված սխտորը: Եթե ձեզ դուր չի գալիս սխտորի համը, ընդհանրապես մի ավելացրեք:
_Ավելացնել քացախ և լավ խառնել: Եփել ևս 10 րոպե: Համտեսել և ստուգել, թե արդյոք կա բավարար քանակությամբ աղ, շաքար և քացախ: Եթե որևէ բաղադրիչ քիչ է, ապա ավելացնել ձեր ցանկությամբ:
_Պատրաստի լեչոն լցնել ստերիլ բանկաների մեջ և փակել ստերիլ կափարիչներով:
_Շրջել գլխիվայր ու փաթաթել սրբիչով կամ տաք ծածկոցով: Թողնել, որ ամբողջովին սառչի սենյակային ջերմաստիճանում, այնուհետև այն երկար ժամանակ պահելու համար այն դնել նկուղում կամ պահոցում:
Սմբուկով և պղպեղով լեչոն պատրաստ է:
Բարի ախորժակ:
Տեսանյութ
Իմամ Բայալդի
