Եթե սիրում եք համեղ ուտեստներ, ապա Սմբուկ աջիկայով: Այն անպայման կգրավի ձեր սիրտը։ Իսկ հարազատները կհարցնեն, թե ինչպես հասնել նման իդեալական համի։ Այնպես որ, դուք որոշեք՝ կիսվե՞լ բաղադրատոմսով նրանց հետ, թե՞ գաղտնի պահել այն:
Նման նախուտեստ պատրաստելու համար պետք է ընտրել մսոտ լոլիկ։ Դա անհրաժեշտ է, որպեսզի լոլիկի սոուսը բավականաչափ թանձր լինի։
Սմբուկ աջիկայով. Բաղադրիչներ
_Սմբուկ 2 կգ
_Լոլիկ 1,5 կգ
_Սխտոր 6 պճեղ
_Չիլի պղպեղ 2 հատ
_Աղ 1 ճաշի գդալ
_Շաքարավազ 2 ճաշի գդալ
_Քացախ 50 մլ
_Արևածաղկի ձեթ 150 մլ
Սմբուկ աջիկայով. Պատրաստման եղանակը
_Լոլիկը լավ լվանալ, մեջտեղից կիսել։ Լվանալ կծու պղպեղը:
_Հեռացնել ցողունը և սերմերը: Պղպեղն ու լոլիկը անցկացնել մսաղացով։
_Սմբուկը մանրակրկիտ լվանալ, կտրատել հաստ շրջանակներով:
_Լցնել խորը տարայի մեջ, ավելացնում ենք քիչ քանակությամբ ձեթ և խառնում։
_Այնուհետև սմբուկը շարել ջեռոցի տապակի վրա և 20 րոպեով դնել 180 աստիճան տաքացրած ջեռոցում։
_Հաստ պատերով կաթսայի մեջ լցնել արևածաղկի ձեթ։ Ավելացնել լոլիկի և պղպեղի խառնուրդը։
_Կաթսան դնել կրակի վրա և հասցնել եռման, դրանից հետո եփել կես ժամ։
_Մաքրել սխտորը և ճզմել այն մամլիչով: Լոլիկի խառնուրդին ավելացնել սխտորը, աղը և շաքարավազը, ամեն ինչ լավ խառնել։
_Լոլիկով կաթսայի մեջ լցնել 9% քացախ, հետո լցնել կարմրած սմբուկի կտորները։ Մանրակրկիտ խառնել, ծածկել կափարիչով և թողնել 10 րոպե։
_Սմբուկը լցնել ստերիլիզացված բանկաների մեջ, վրան լցնել լոլիկի խառնուրդը:
_Ամուր փակել կափարիչներով, բանկաները փաթաթել ծածկոցով և թողնել ամբողջովին սառչի։
Արդյունքում, կստանաք 4 հատ կես լիտրանոց բանկա սմբուկ աջիկայով: Դուք կարող եք այս պահածոն պահել սառնարանում կամ մառանում:
Բարի ախորժակ:
