Սնկով աղցան. Թեթև, հագեցնող և դիետիկ նախուտեստ

Շամպինիոն սնկով աղցանը ոչ սեզոնային ուտեստ է։

Գուրմանները նախընտրում են հում սունկը աղցանի մեջ։ Բայց անուշաբույր յուղով տապակած սունկը հատկապես հաճելի կլինի տաք աղցանի մեջ: Առաջարկում ենք համեղ աղցանի ձմեռային տարբերակը:

Սնկով աղցան. Անհրաժեշտ բաղադրիչները

_Մանր կարտոֆիլ 300-400 գր

_Շամպինիոններ 600 գր

_Սխտոր 1 պճեղ

_Թթու վարունգ 4 հատ

_Կանաչ սոխ 1 փունջ

_Ձիթայուղ՝ ըստ ճաշակի

_Աղացած սև պղպեղ՝ ըստ ճաշակի

_Աղ՝ ըստ ճաշակի

Սոուսի համար

_Մանանեխի սերմեր 1 ճաշի գդալ

_Կիտրոնի հյութ 1 ճաշի գդալ

_Ձիթայուղ 4 ճաշի գդալ

_Մի պտղունց քաղցր պապրիկա

Սնկով աղցան. Պատրաստման եղանակը

_Սոուսի համար մանանեխը խառնել կիտրոնի հյութի, ձեթի, աղի և պղպեղի հետ, համեմել պապրիկայով։

_Աղցանի համար կարտոֆիլը թխել ջեռոցում՝ փայլաթիթեղի մեջ, 200 ° C ջերմաստիճանում կամ եփել կեղևով։

_Պատրաստի կարտոֆիլի վրա լցնել սառը ջուր, մաքրել և կտրատել միջին չափի կտորների։

_Սնկերի ոտիկներիի կոշտ մասերը մաքրել, կտրատել միջին չափի կտորներով:

_Մաքրել և ճզմել մի պճեղ սխտորը, լցնել տապակի մեջ, վրան ձեթ լցնել, տապակել մինչև  սկսի կարմրել:

_Հեռացնել սխտորը, սունկը լցնել անուշաբույր յուղի մեջ, տապակել բարձր ջերմության վրա 2-3 րոպե, համեմել աղով և պղպեղով։

_Վարունգները կիսել 2 մասի և կտրատել բարակ շերտերով, իսկ կանաչ սոխը մանր կտրատել։

_Խառնել տաք սունկն ու կանաչ սոխը, ապա ավելացնել կարտոֆիլն ու վարունգը։

Համեմել աղցանը  և թողնել մնա 5 րոպե, դրանից հետո կարող եք մատուցել։

Բարի ախորժակ

Տեսանյութ

Շքեղ աղցան Ցեզար