Սոուսով աղցան. Վարունգի սեզոնի ամենահամեղ թեթև ուտեստ

Երբ սկսվում է թարմ բանջարեղենի սեզոնը, մեղք է չթարմացնել ձեր սննդի ճաշացանկը նման թարմ և օրիգինալ սոուսով աղցանով։

Այս բաղադրատոմսում ամեն ինչ պարզ է և ստանդարտ, բայց կարևոր կետ կա՝ դա սոուսն է:

Սոուսով աղցան. Անհրաժեշտ բաղադրիչները

_Վարունգ 500 գր

_Սոխ 1 հատ

_Քաղցր պղպեղ 1 հատ

_Լոլիկ 1 հատ

_Կանաչի ըստ ճաշակի

_Աղ 1 թեյի գդալ

_Շաքարավազ 1,5 թեյի գդալ

_Սխտոր 4 պճեղ

_Խնձորի քացախ 6% 2 ճաշի գդալ

_Պապրիկա 1 թեյի գդալ

_Ռեհան 1 թեյի գդալ

_Կարմիր պղպեղ 1/3 թեյի գդալ

_Բուսական յուղ 100 մլ

Սոուսով աղցան. Պատրաստման եղանակը

_Վարունգները կտրատել խոշոր կտորներով և խառնել կիսաօղակներով կտրատած սոխի հետ:

_Քաղցր պղպեղը կտրատել և ավելացնել աղցանին։

_Կանաչիներ վերցնել ըստ ցանկության, նախընտրած չափով, մանր կտրատել և ավելացնել աղցանի վրա։

_Բլենդերով հարել սխտորի պճեղները լոլիկը և խառնել բուսայուղի, քացախի, աղի, շաքարի, պապրիկայի, ռեհանի, պղպեղի հետ։

_Ստացված սոուսը խառնել և լցնել աղցանի վրա։

_Աղցանը լավ խառնել, փակել կափարիչով և դնել սառնարանը 1 ժամ։

_Կարելի է երբեմն խառնել, որպեսզի բանջարեղենը լավ մարինացվի։

Շատ համեղ աղցան, որին ինքնատիպություն տալիս է սոուսը և մայոնեզ պետք չէ։ Խնձորի քացախը կարելի է փոխարինել գինու քացախով և մի քանի կաթիլ կիտրոնի հյութով։

Բարի ախորժակ:

Տեսանյութ

Նոր աղցան. Բրոկոլիով աղցան արագ և հեշտ պատրաստվող