Սովետական ամենահամեղ ապուրը. Պայծառ ու հարուստ ճաշն առաջին գդալից կնվաճի ձեզ և ձեր հյուրերին
Համոզված ենք, որ այս նրբահամ, հագեցնող ապուրը ձեզ կտանի մանկության հիշողությունների գիրկը: Այն դուր կգա ամենաքմահաճ հյուրերին, ինչպես մեծահասակներին, այնպես էլ երեխաներին:
Սովետական այս ապուրը շատ պարզ է և արագ պատրաստվում: Անպայման եփեք և հաճույք պատճառեք ինքներդ ձեզ և ձեր ընտանիքին:
Содержание
Սովետական ամենահամեղ ապուրը. Անհրաժեշտ բաղադրիչները
- Աղացած միս 300 գ
- Սոխ 2 հատ
- Գազար1 հատ
- Լոլիկ 1 հատ
- 3-4 հատ կարտոֆիլ
- Բրինձ 2 ճաշի գդալ
- Աղ
- Պղպեղ
- Բուսական յուղ
- Կանաչիներ
Սովետական ամենահամեղ ապուրը. Պատրաստման եղանակը
- Սկսելու համար սոխը մանր կտրատել, լոլիկը նույնպես մանր կտրատել: Կաթսան դնել վառարանի վրա և լցնել բուսայուղը:
- Տապակել սոխը մինչև ոսկեդարչնագույնը, ապա ավելացնել այնտեղ խոշոր քերիչով անցկացրած գազարը, տապակել մի քանի րոպե, այնուհետև ավելացնել լոլիկն ու շոգեխաշել 2-3 րոպե:
- Դրանից հետո լցնել խորանարաձև կտրատված կարտոֆիլը, լցնել ջուրը և սպասել, մինչև եռա:
- Աղացած մսին աղ, պղպեղ անել, ավելացնել հում բրինձ, մանր կտրատած սոխ, ամեն ինչ մանրակրկիտ խառնել:
- Պատրաստի աղացած մսից պետք է կոլոլակներ ձևավորել: Ընկղմել կոլոլակները եռացող ջրի մեջ:
- Ապուրն ըստ ճաշակի աղ անել և եփել փակ կափարիչի տակ 25-30 րոպե:
- Պատրաստի ապուրին կանաչիներ ավելացնել ըստ ճաշակի, միայն այն ժամանակ, երբ կրակն արդեն անջատել եք:
Սովետական ամենահամեղ ապուրը պատրաստ է: Ստացվում է թեթև և ոչ յուղոտ ապուր, այն համեղ և հագեցնող է:
Բարի ախորժակ:
Տեսանյութ
Հավի մսով ապուր