Սպիտակ սնկով սոուս. Այն հմայք կհաղորդի նույնիսկ ամենապարզ ուտեստին և կտա բազմաբնույթ համեր նրանց, որոնք ավելի բարդ բաղադրություն ունեն: Որոշ իտալական ռեստորանների տերեր այդ նրբությունը լավ են կիրառում:
Բայց, բնականաբար, դա չի նշանակում, որ ռեստորաններում մատուցվող սոուսը մենք չենք կարող պատրաստել և հյուրասիրել ընտանիքի անդամներին կամ հյուրերին:
Իհարկե, մենք կարող եք վերցնել տարածված շամպինիոնները, ինչպես դա արվում է հաճախ Կենտրոնական Եվրոպայում (ինչ-ինչ պատճառներով անտառային սնկերը այնտեղ մեծ հարգանք չեն վայելում): Այնուամենայնիվ, եթե ձեռքի տակ չկան սպիտակ սնկեր, կարելի է վերցնել կոճղասունկ:
Սպիտակ սնկով սոուս. Անհրաժեշտ բաղադրիչներ
_Սպիտակ սունկ կամ շամպինիոն 200 գ
_Սերուցք 300 մլ
_Կարագ 50 գ
_Սոխ 1 հատ
_Սխտոր 2 պճեղ
_Ցորենի ալյուր 1 ճաշի գդալ
_Արևածաղկի ձեթ` ըստ ճաշակի
_Աղ` ըստ ճաշակի
_Սև պղպեղ (աղացած)` ըստ ճաշակի
Սպիտակ սնկով սոուս. Պատրաստման եղանակը
_Լավ լվանալ սունկը և մանր կտրատել
_Մանր կտրատել սոխը և սխտորը: Բուսայուղով տապակել սոխը թավայի մեջ, մինչև թափանցիկ դառնա, հետո ավելացնել սխտորը, թեթևակի տապակել:
_Դրանից հետո ավելացնել սունկը և եփել այնքան ժամանակ, որ ավելորդ հեղուկը գոլորշիանա:
_Առանձին տապակի մեջ բովել ալյուրը, հետո ավելացնել յուղալի սերուցքը և հարել այնպես, որ գնդիկներ չմնան:
_Սերուցքային սոուսին ավելացնել սունկը և շոգեխաշել, երբեմն խառնելով, ևս 5 րոպե: Եթե սոուսը շատ թանձր է թվում, կարելի է մի քիչ կաթ ավելացնել:
Չոր սունկը նույնպես հիանալի է այս սոուսի համար: Դրանք լավագույնս հարմար են բոլոր տեսակի ջրիկ ուտեստների, սոուսների և մակարոնեղենի համար: Պարզապես հիշեք, որ դրանք օգտագործելուց առաջ պետք է լվանալ և թրջել մի քանի ժամ: Դա անհրաժեշտ է, քանի որ սնկերը չորացնելուց առաջ հնարավոր չէ լվանալ: Իսկ թրջելիս նրանք վերադառնում են իրենց նախկին փափկությանը և ծավալին:
Սպիտակ սնկով սոուսը պատրաստ է:
Բարի ախորժակ:
