Վանիլային ջեռեփուկ. Առավել համեղ աղանդերի սիրահարների համար սա իսկական գտածո կլինի: Անհավանական քաղցր-կաթնաշոռային համը լրացնում է վանիլի համեղ բույրը: Իսկ հատապտուղներով սոուսը շատ հաջողությամբ լրացնում է կաթնաշոռային համեղությունը:
Հատապտղի սոուս պատրաստելու համար կարող եք ընտրել ցանկացած հատապտուղ` ազնվամորի, ելակ, կարմիր և սև հաղարջ, մոշի հյութ կամ նույնիսկ տարբեր հատապտուղների խառնուրդ: Թթու հատապտղի համը հիանալի խառնվում է վանիլային ջեռեփուկի հետ:
Վանիլային ջեռեփուկ. Բաղադրությունը
- Կաթնաշոռ 750 գ
- Ձու 2 հատ
- Սպիտակաձավար 3 ճաշի գդալ
- Շաքար 150 գ
- Վանիլի էքստրակտ 1 գդալ
- Կիտրոն 1 հատ
- Թթվասեր 300 գ
- Հատապտուղներ 250 գ
- Կիտրոնի հյութ 10 մլ
Վանիլային ջեռեփուկ. Պատրաստման եղանակը
- Հարել ձվերը 60 գ շաքարավազով, մինչև կրեմի նման թանձրանա: Ավելացնել կիտրոնի կեղևի քերուկը, սպիտակաձավարը, կաթնաշոռը և վանիլի էքստրակտը, հարել մինչև հարթ և միասեռ զանգված ստացվի:
- Հրակայուն ձևամանի մեջ առաջին շերտով դնել ջեռոցը և թխել 20-25 րոպե 170 °C ջերմաստիճանի տակ: Երկրորդ շերտը պատրաստելու համար թթվասերը տրորել 50 գ շաքարով: Ջեռոցից հանված ջեռեփուկի վրա քսել թթվասերի և շաքարի խառնուրդը և դնել ջեռոցում ևս 10 րոպե:
- Այժմ պատրաստել վանիլային ջեռեփուկի հետ մատուցվող հատապտղի սոուսը: Դա անելու համար լվանալ հատապտուղները, մանրացնել դրանք բլենդերի մեջ մինչև պյուրեի աստիճան, ավելացնել կիտրոնի հյութ, մնացած շաքարավազը և եփել մինչև շաքարը լուծվի:
- Վանիլային ջեռեփուկի պատրաստման համար ընտրել ցածր յուղայնության կաթնաշոռ և թթվասեր` 20% յուղայնության:
Վանիլային ջեռեփուկը պատրաստ է: Կարող եք զարդարել դեսերտը հատապտուղներով, որոնք օգտագործել եք սոուսը պատրաստելիս, անանուխի տերևը կամ փոշի շաքար: Աղանդերը կարելի է մատուցել ինչպես տաք, այնպես էլ սառը վիճակում:
Բարի ախորժակ: