Ֆիննական ոճով վարունգի մարինադ այս բաղադրատոմսով պատրաստելիս կհամոզվեք, որ համը շատ է հիշեցնում թթու վարունգի կտորները, որոնք նախկինում խանութներում վաճառվում էին երեք լիտր տարողությամբ բանկաների մեջ: Այդ վարունգները միշտ հաճույքով էինք վայելում կոտլետներով և կարտոֆիլի պյուրեով:
Ֆիննական ոճով վարունգի մարինադ. Բաղադրիչները
_ վարունգ 3 կգ
_ աղ 6 ճաշի գդալ
_ շաքարավազ 400 գ
_ քացախ 9% 360 մլ
_ մանանեխի սերմեր 2 թեյի գդալ
_ դափնու տերև 1-3 հատ
_ ջուր 3 լ
Ֆիննական ոճով վարունգի մարինադ. Պատրաստման եղանակը
_ Այս բաղադրատոմսի համար կարող եք վերցնել ցանկացած վարունգ՝ փոքր կամ մեծ, քանի որ դրանք բոլորը կտրվում են մոտ 4 — 6 սմ երկարությամբ կտորներով:
_ Նախապես թրջեք մի քանի ժամ մաքուր և սառը ջրի մեջ։
_ Մի մեծ թաս դնել վառարանի վրա ու լցնել ջուր, ավելացնել աղ ու շաքարավազ, մանանեխ, դափնու տերև։ Եռալուց անմիջապես հետո լցնել քացախը, կրկին հասցնել եռման։
_ Ավելացնել վարունգը, եփել այնքան, մինչև գույնը նմանվի ձիթապտղի գույնի, եփել ևս 3 րոպե։
_Վարունգը դնել մաքուր և ստերիլիզացված բանկաների մեջ, լցնել մարինադը և փակել կափարիչները:
_ Բանկաները շրջել, ծածկել ու թողնել, որ սառչի։ Պահպանեք նկուղում կամ պահարանում:
Շատ պարզ, բայց իրականում համեղ բաղադրատոմս՝ թթու վարունգի բնական համով և բույրով։ Պարզապես փորձեք այն պատրաստել և կտեսնեք, որ նույնիսկ գերաճած վարունգը շատ համեղ է ստացվում։
Բարի ախորժակ:
Տեսանյութ
Խառը թթու