Վարունգով աղցան. Ձմռան համար պարզ և շատ համեղ նախուտեստ

Վարունգով աղցան, կծու համով, որը առաջարկում ենք ձեզ պատրաստել, փորձել և վայելել ձմռանը:

Վարունգով աղցան. Անհրաժեշտ բաղադրիչները

_Վարունգ 1,5 կգ

_Գազար 1 հատ

_Քաղցր պղպեղ 1 հատ

_Կծու պղպեղ 1 հատ

_Քացախ 9% 100 մլ

_Բուսական յուղ 100 մլ

_Աղ 30 գր

_Շաքարավազ 100 գր

_Սխտոր 80 գր

Վարունգով աղցան. Պատրաստման եղանակը

_Վարունգները կտրատել կտորներով կամ օղակներով:

_Քաղցր պղպեղը, կծու պղպեղը և գազարը մանրացնել բլենդերով, խյուսի վերածել:

_Կաթսայի մեջ խառնել բուսայուղը, քացախը, աղն ու շաքարը, զանգվածը հասցնել եռման աստիճանի և անմիջապես լցնել բանջարեղենի խյուսը, արագ խառնել և եփել 5 րոպե։

_Ավելացնել վարունգը, ամեն ինչ մանրակրկիտ խառնել և 15 րոպե եռալուց հետո մարմանդ կրակի վրա եփել։

_Լցնել քերած սխտորը, խառնել, եփել ևս 5 րոպե և անջատել կրակը։

_Աղցանը լցնել ստերիլիզացված և չոր բանկաների մեջ, փակել ստերիլիզացված և չոր կափարիչներով, շրջել բանկաները և ծածկել սրբիչով:

_Թողնել, մինչև ամբողջովին սառչի։

_Բանկաները պահել նկուղում, մառանում, կամ պատշգամբում։

Խորհուրդ եմ տալիս փորձել այս բաղադրատոմսը, վստահ եմ, որ դուք հիացած կլինեք և հաճախ կպատրաստեք այսպիսի բուրավետ, համեղ և կծու խորտիկ։

Բարի ախորժակ:

Տեսանյութ

Բրոկոլի ենք թթու դնում