Ընդամենը հաշված րոպեների ընթացքում կարող եք համեղ ուտեստ պատրաստել։ Տապակած դդմիկ սոուսով ստացվում է նուրբ, բուրավետ, անչափ համեղ:
Անպայման պատրաստեք, այն բոլորին դուր կգա:
Տապակած դդմիկ սոուսով. Անհրաժեշտ բաղադրիչները
_Դդմիկ 1 հատ
_Պապրիկա 1 թեյի գդալ
_Ալյուր 1 ճաշի գդալ
_Թթվասեր 2 ճաշի գդալ
_Սխտոր 1-2 պճեղ
_Մանանեխ 0,5 թեյի գդալ
_Համեմունքներ՝ ըստ ճաշակի
_Աղ՝ ըստ ճաշակի
_Կես փունջ սամիթ
Տապակած դդմիկ սոուսով. Պատրաստման եղանակը
_Վերցնել դդմիկը և կտրել այն օղակներով:
_Տեղափոխել խորը ամանի մեջ, ավելացնել պապրիկան, ալյուրը, խառնել։
_Այնուհետև տապակել բուսայուղի մեջ, երկու կողմից, մինչև ոսկեգույն դառնալը։
_Այնուհետև տեղափոխել թղթե անձեռոցիկների վրա՝ ավելորդ յուղը հեռացնելու համար։
_Պատրաստել սոուսը, դրա համար ամանի մեջ ավելացնել թթվասերը, մանր քերիչով քերած սխտորը, մանր կտրատած սամիթը, մանանեխն ու նախընտրած համեմունքները։
_Ամեն ինչ մանրակրկիտ խառնել, սառած դդմիկին քսել սոուսը:
Բարի ախորժակ:
Տեսանյութ
Դդմիկով կոտլետ. Շատ հեշտ և համեղ
