Տապակած սիգ պատրաստելու բազում եղանակներ կան, որոնք յուրաքանչյուրն իր տեղն ու իմաստն ունի: Այս նրբահամ ձուկը կարելի է պատրաստել թե որպես առօրյա կերակուր՝ ուղղակի խաշելով, այնպես էլ համեմունքներով տապակելով դարձնել հավաքույթի սեղանի հատուկ կերակուր:
Մեր առաջարկած բաղադրատոմսով ձուկը կարելի է կտրատել, եթե այն մեծ է, իսկ եթե ունեք փոքր չափերի ձկներ՝ մոտ 300 — 400 գրամանոց, ապա դրանք տապակեք ամբողջությամբ:
Տապակած սիգ. Անհրաժեշտ բաղադրիչները
_Սիգ — 3 միջին
_Լոլիկ — 2 հատ
_Սոխ — 1 հատ մեծ
_Բուլղարական պղպեղ — 6-7 օղակ
_Կծու պղպեղ — 3-4 բարակ օղակ
_Սխտոր — 3-4 պճեղ
_Կարագ — 20 գր
_Չոր թարխուն (եթե կա՝ թարմ) — 1. թեյի գդալ
_Աղ — 2 թեյի գդալ
_Աղացած կարմիր և սև պղպեղ — 1 թեյի գդալ
_Մաղադանոս, սամիթ — յուրաքանչյուրը 1 ճյուղ
Տապակած սիգ. Պատրաստման եղանակը
_Մաքրել ձկները: Մաքրել փորոտիքը` կտրելով որովայնը սուր դանակով:
_Ձկները մանրակրկիտ լվանալ հոսող սառը ջրի տակ, հեռացնելով խռիկներն ու թաղանթները, հանել ջրից և տեղափոխել ամանի մեջ:
_Լվանալ բանջարեղենը, կտրել շերտերով:
_Ջեռոցը տաքացնել 180 °C: Առատորեն յուղել հրակայուն տապակը կարագով:
_Յուղած տապակի մեջ լցնել մաքրած սխտորը, պղպեղի և սոխի օղակները, թեթևակի աղ անել:
_Լոլիկի օղակները շարել սոխի և պղպեղի օղակների վրա, կրկին թեթևակի աղ անել:
_Ձկները դնել բանջարեղենի վրա, թեթևակի յուղել կարագով (կարիք չկա ջեռոցի տապակի մեջ ջուր ավելացնել, լվացված ձկները բավականաչափ խոնավություն ունեն):
_Թխել ձուկը 35 րոպե 180 °С ջերմաստիճանում, մինչև թույլ դարչնագույն դառնա կեղևը, դրանից հետո ևս 5-7 րոպե՝ թողնելով ջեռոցի միայն վերին տաքացումը:
Հյութեղ ու բույրերով ներծծված համեղ բանջարեղենով տաք ձուկ ուտելը շատ հաճելի կլինի:
Տապակած սիգը պատրաստ է, մատուցեք հենց այդպես, ինչպես հանել եք ջեռոցից:
Բարի ախորժակ:
Տեսանյութ
Լավաշով ռուլետ լցոնած Ձկով