Տավարի սիրտ ջեռոցում. Թխեք այս նախուտեստը և վայելեք
Տավարի սիրտը մեծ և ուժեղ մկանային հյուսվածք է, այսինքն՝ միս: Վերջերս ես նորովի հայտնաբերեցի այս մթերքն ինձ համար ամեն իմաստով: Գինը 2.5 անգամ ցածր է, քան սովորական մսի դեպքում, բայց համը շատ ավելի լավն է, քան կարելի է պատկերացնել:
Սովորական բաղադրատոմսերում առաջարկում են մեկ կամ երկու ժամ խաշել տավարի սիրտը: Իսկ ես որոշեցի թխել այն: Եվ որպեսզի սիրտը պատշաճ կերպով թխվի և փափուկ լինի, դրեցի այն խոհարարական տոպրակի մեջ:
Արդյունքում ստացա հիանալի մսային ուտեստ, որի համը խաշած խոզի միս է հիշեցնում: Այս նախուտեստը կարելի է կտրատել ու մատուցել անգամ տոնական սեղանին, իսկ մնացած կտորը կարելի է փաթաթել յուղաթղթով և դնել սառնարանում: Հետագայում կարող եք օգտագործել այն բուտերբրոդների համար:
Տավարի սիրտ ջեռոցում. Անհրաժեշտ բաղադրիչները
- Տավարի սիրտ 1,5–2 կգ
- Ձիթապտղի յուղ 3 ճաշի գդալ
- Սխտոր 4 պճեղ
- Մանանեխ 1 ճաշի գդալ
- Խմելի սունելի՝ ըստ ճաշակի
- Կարմիր պղպեղ՝ ըստ ճաշակի
- Սև պղպեղ (աղացած)՝ ըստ ճաշակի
- Աղ՝ ըստ ճաշակի
Տավարի սիրտ ջեռոցում. Պատրաստման եղանակը
- Նախապատրաստեք սիրտը. Ճարպը և ավելորդ թաղանթները կտրել, ապա լավ լվանալ սառը ջրով:
- Թանձր սոուս պատրաստելու համար խառնել ձիթապտղի յուղ, աղացած սխտոր, մանանեխ, աղ և համեմունքներ:
- Քսել այն սրտի վրա, դնել այն ամանի մեջ և մի քանի ժամ թողնել սառնարանում:
- Կարող եք մեկ գիշեր թողնել սիրտը խոհարարական տոպրակի մեջ:
- Թխել ջեռոցում 200 աստիճանի տակ մոտ մեկուկես ժամ:
Տավարի սիրտը ջեռոցում պատրաստ է: Մատուցեք և վայելեք: Կարելի է օգտագործեք որպես աղցանների մսի բաղադրիչ, որպես նախուտեստ կամ կողմնակի ուտեստ:
Հուսով եմ կգնահատեք բաղադրատոմսը:
Բարի ախորժակ:
Տեսանյութ
Տավարի մսով բուժենինա