Պարզվում է, որ Տղեմալի սոուս պատրաստելը ամենևին էլ դժվար չէ: Իդեալում, այն պետք է պատրաստել տղեմալի սալորից (դրանք ավելի թթու են, քան սովորական սալորը), բայց դուք կարող եք այն փոխարինել սովորական սալորով, տերենով կամ հաղարջով):
Կանաչին ու սխտորը ավելացվում են նաև դասական տղեմալիին: Դուք կարող եք Տղեմալի սոուս մատուցել բացարձակապես բոլոր ուտեստների հետ՝ դրանք կարող են լինել կարտոֆիլով ուտեստներ, մսեղեն կամ ձկնեղեն:
Տղեմալի սոուս. Անհրաժեշտ բաղադրիչները
_Սալոր տղեմալի (սալոր, հաղարջ կամ տերեն) 3-4 կգ
_Սխտոր 3 գլուխ
_Համեմ 2 փունջ
_Սամիթ 2 փունջ
_Կծու պղպեղ մի երկու հատ
_Աղ և շաքար՝ ըստ ճաշակի
Տղեմալի սոուս. Քայլ առ քայլ բաղադրատոմս
_Սալորը լավ լվանալ, դնել կաթսայի մեջ և լցնել մոտ 2 բաժակ ջուր:
_Եփել սալորը մինչև կեղևը սկսի պոկվել և կորիզը սկսի անջատվել: Պատրաստման ընթացքում մարմանդ կրակ պահեք:
_Երբ սալորը պատրաստ լինի, արգանակի հետ միասին անցկացնել մաղով: Կարևոր է, որ պտղի կեղևը չմնա սոուսի մեջ:
_Պյուրե զանգվածը կրակի վրա դնել, հասնել եռման:
_Եռալու ընթացքում կտրատել համեմն և սամիթը: Կտրատել սխտորն ու կծու պղպեղը: Լավ կլինի, եթե սխտորն ու պղպեղը մանրացվեն բլենդերով:
_Երբ սոուսը եռա, ավելացնել կանաչիները, սխտոր, պղպեղ և մի փոքր աղ:
_Պատրաստման ընթացքում ավելացրեք շաքարավազ: Համը փորձեք և ավելացրեք ձեր սեփական ճաշակով, քանի որ սոուսը բավականին թթու է ստացվում, և ամեն ինչ կախված է սալորի տեսակից, ուստի ես ձեզ չեմ կարող ասել շաքարի ճշգրիտ քանակը:
_Թող սոուսը եռա 3-4 րոպե և տաք վիճակում լցնել չոր, ստերիլիզացված բանկաների մեջ: Փակել կափարիչներով:
_Այս սոուսը կարելի է վստահորեն պահել սենյակային ջերմաստիճանում: Այն շատ համեղ է և անհամեմատ ավելի հաճելի է, քան այն, ինչ վաճառվում է խանութներում:
Ամենայն բարիք և բարի ախորժակ:
Տեսանյութ
Համեղ սոուս մսային ուտեստների համար
