Տավարի մսով Տնական բեֆստրոգանովը ռուսական խոհանոցի հայտնի ուտեստներից է: Փափուկ տավարի միսը` համեղ սուսով, որ լավագույնս զուգորդվում է կարտոֆիլի պյուրեով:
Իսկական համեղ և սննդարար տնական սնունդ, որը նույնիսկ կգերազանցի ռեստորանում մատուցվող տարբերակին իր բնական համերով:
Տնական բեֆստրոգանով. Անհրաժեշտ բաղադրիչներ
_Տավարի միս — 500 գ (օրինակ` պարանոցի մաս)
_Սոխ — 1 հատ
_Սխտոր — 1 պճեղ
_Ալյուր — 1 ճաշի գդալ
_Թթվասեր 20% — 100 գ
_Կարագ — 10-20 գ
_Կետչուպ — 2-3 ճաշի գդալ (կարելի է փոխարինել 0,5 ճաշի գդալ տոմատի մածուկով)
_Ջուր — 100 մլ (կարելի է վերցնել աչքաչափով, նայած, թե ինչպիսի սոուս եք ուզում)
_Աղ — 0.5 թեյի գդալ
_Աղացած սև պղպեղ` ըստ ճաշակի
Տնական բեֆստրոգանով. Պատրաստման եղանակը քայլ առ քայլ
_Տավարի միսը կտրել շերտերով կամ կտորներով, ինչպես ցանկանում եք: Կտրատել սոխը փետրաձև կամ կես օղակներով, մանրացնել մի պճեղ սխտոր:
_Մսին աղ ու պղպեղ անել, ալյուր ցանել, լավ խառնել, որպեսզի ալյուրով թաթախվեն մսի բոլոր կտորները:
_Միսը 2-3 բաժնով տապակել լավ տաքացրած թավայի մեջ, մինչև ոսկե դարչնագույնը:
_Բոլորովին կարիք չկա տապակել միսը մինչև փափկելը, պարզապես անհրաժեշտ է այն կարմրացնել: Այդ պահին հեռացնել միսը թավայից, որ կարողանաք տապակել մսի հաջորդ խմբաքանակը, մինչև ամբողջ քանակը տապակեք:
_Թավայի մեջ սոխը տապակել մինչև ոսկեգույն դառնալը և փափկելը, ավելացնել կարագ:
_Միսը դնել սոխի վրա, ավելացնել սխտորը, կետչուպը, թթվասերն ու ջուրը: Լավ խառնել, ծածկել և եփել այնքան ժամանակ, մինչև որ միսը փափկի, դրա համար կպահանջվի առնվազն 20-30 րոպե:
Պատրաստի ուտեստը մատուցել կարտոֆիլի պյուրեով:
Տնական բեֆստրոգանովը պատրաստ է:
Բարի ախորժակ:
