Եթե ձմեռվա համար պատրաստված քաղցր պահածոները լրիվ չեք սպառել, ապա պատրաստեք Տնական գինի հին մուրաբաներից:
Համի և թնդության հաճելի համադրությամբ այն կարող է գերազանցել խանութներում վաճառվող որոշ մրգային գինիների: Այսպիսով, դուք կարգի կբերեք մառանը և կստանաք համեղ ըմպելիք:
Հատապտուղներից գերազանց են ազնվամորիները, սև հաղարջը և փշահաղարջը: Հիանալի ըմպելիք է ստացվում նաև կորիզներով մրգերից։ Դրանք կունենան նուշի յուրահատուկ համ։ Բայց հիշեք, որ տանձի և խնձորի մուրաբայից պատրաստված խմիչքը պղտորվում է և երկար չի պահվում, թեև համը շատ հաճելի է։
Տնական գինի հին մուրաբաներից. Անհրաժեշտ բաղադրիչներ
_Մուրաբա 1 լ
_Բրինձ 1 բաժակ
_Խմորիչ 20 գ
_Ջուր 1,5լ
Տնական գինի հին մուրաբաներից. Պատրաստման եղանակը
_Մուրաբան լուծել տաք ջրի մեջ։ Անպայման փորձեք, խառնուրդը պետք է քաղցր լինի։ Եթե շաքարավազը քիչ է, ավելացրեք։
_Լավ խառնել, մինչև հատիկները լուծվեն։ Լուծույթը լցնել երեք լիտրանոց բանկայի մեջ։
_Մի փոքր տաք ջրի մեջ լուծեք խմորիչը։
_Ավելացնել այն մուրաբայի լուծույթի մեջ, լցնել բրինձը։
_Բանկայի վրա դրեք հիդրոփական (եթե չունեք, կարող եք վերցնել սովորական բժշկական ձեռնոց և մատների վրա անցքեր անելուց հետո դրանով փակել բանկայի բերանը):
_Բանկան դնել մութ տեղում խմորման համար։
_Պարբերաբար դիտարկեք՝ ժամանակի ընթացքում զանգվածը կդադարի խմորվել, իսկ նստվածքը կանջատվի։
_Երբ փուչիկները դադարեն երևալ, ապա զգուշորեն լցնել գինին շշերի մեջ և շարել պահոցում:
Այս պրոցեսը կարող է տևել մի երկու շաբաթ կամ ամիս: Փորձեք անպայման:
Կարևոր պարզաբանում. բրինձը պետք չէ նախապես լվանալ, այն պետք է ավելորդ աղբից մաքրված և չոր լինի:
Բարի ախորժակ: