Տնական երշիկ. Համեղ նախուտեստ առանց ավելորդ չարչարանքի
Մանկության տարիներին բոլոր արձակուրդները գյուղում եմ անցկացրել, տատիկիս հետ: Նա ինձ երես էր տալիս ամեն տեսակ բարիքներով: Ես, ինչպես երեխաների մեծ մասը, ատում էի յուղոտ սնունդ: Հատուկ ինձ համար տատս վառարանի մեջ պատրաստում էր հավի և խոզի մսով ռուլետ: Ես վերափոխեցի այս բաղադրատոմսը և հիմա միսը թխում եմ ջեռոցում՝ յուղաթղթի մեջ:
Իմ երեխաները շատ են սիրում տնական երշիկ: Նրանք մեծ ախորժակով են ուտում: Այնպես որ, ես պարբերաբար գնում եմ մսի բարակ կտորներ, ցանկալի է ճարպ թեթևակի շերտով, որպեսզի այն վառարանում հալվի և հագեցնի հավի դիետիկ միսը: Արդյունքում ստացվում է համեղ ու հյութալի մսով ռուլետ:
Տնական երշիկ. Անհրաժեշտ բաղադրիչները
- Խոզի միս 400 գ
- Հավի կրծքամիս 400 գ
- Սխտոր 3-4 պճեղ
- Մանանեխի սերմեր 5 գ
- Աղ՝ ըստ ճաշակի
- Սև պղպեղ (աղացած)` ըստ ճաշակի
Տնական երշիկ Պատրաստման եղանակը
- Բարակ շերտերով կտրել խոզի միսը և կրծքամիսը: Ծածկել սննդային թաղանթով և ծեծել երկու կողմերից, համեմել աղով և պղպեղով, ձեռքերով քսել համեմունքները մսի վրա: 30 րոպե թողնել մարինացվի:
- Տեղադրել խոզի մսի կտորները յուղաթղթի վրա ուղղահայաց դիրքով, այնպես, որ, դրանք եզրերով իրար վրա լինեն: Մանրացրած սխտորը տարածել մսի վրա: Վրան ցանել մանանեխի սերմեր:
- Հավի կրծքամիսը հորիզոնական դիրքով դնել խոզի մսի վրա: Սա կօգնի պահպանել ռուլետի ամբողջականությունը:
- Փափկամսերը կարող են դրվել երկու շերտերով: Դրանից հետո պետք է միսը ոլորել և հնարավորինս ձիգ փաթաթել այն յուղաթղթով:
- Յուղաթղթի եզրերը լավ պտտել: Կապել թելերով և երշիկի ձև տալ:
- Թխել 1,5 ժամ, 200 աստիճան տաքացված ջեռոցում: Առնվազն 4 ժամ թողեք ծանրության տակ մնա:
Այնուհետև հանել յուղաթուղթը: Խոզի և հավի մսից պատրաստված երշիկը ստացվում է նուրբ և հիմնականում առանց ճարպի: Ինչո՞ւ գնել երշիկ, եթե ինքներդ կարող եք պատրաստել նման հիանալի մսային ուտեստ:
Տնական երշիկը պատրաստ է:
Բարի ախորժակ:
Տեսանյութ
Ռուլետ հավի կրծքամսով
