Տնական երշիկ. Մատչելի բաղադրատոմսով բնական նախուտեստ

Ամենապարզ, բայց շատ համեղ տնական երշիկի բաղադրատոմսերից մեկը, որը պատրաստելու համար պետք կլինեն լիովին բնական մթերքներ:

Երշիկը պատրաստվում է առանց բուրավետիչների և ներկերի՝ միայն հավի միս և համեմունքներ:

Տնական երշիկ. Անհրաժեշտ բաղադրիչները

_Հավի կրծքամիս 2 հատ

_Մսի արգանակ 300 մլ

_Ժելատին 25 գր

_Ճակնդեղ 100 գր

_Աղ 10 գր

_Դափնու տերև, համեմունքներ՝ ըստ ճաշակի

_Մշկընկույզ, համեմի սերմ՝ ըստ ճաշակի

Տնական երշիկ. Պատրաստման եղանակը

_Միսը եփել արգանակի մեջ համեմունքներով և աղով։

_Էլ ավելի բուրավետ ու համեղ դարձնելու համար կարելի է ավելացնել գազար և սոխ, թողնել սառչի:

_Մսի մի մասը կտրատել կտորներով՝ սա երշիկի կտրատած հատվածն է, իսկ երկրորդը մասը մանրացնել մանրաթելերով։

_Ժելատինը լցնել սառը ջրի մեջ և թողնել 10 րոպե ուռչի։

_Քերել ճակնդեղը մանր քերիչով և քամել հյութը։

_Կտոր-կտոր կտրատած մսի ֆարշին խառնել ճակնդեղի հյութը, համեմունքները, աղը և ժելատինը, որը պետք է նախապես տաքացնել գոլորշու վրա կամ միկրոալիքային վառարանում։

_Լցնել արգանակը և զանգվածը բլենդերով հարել։

_Ավելացնել մսի մանրաթելերը, խառնել, մինչև հարթվի:

_Զանգվածը լցնել պլաստմասե շշի մեջ, ծածկել և 4-6 ժամով դնել սառնարանը։

Այժմ դուք կունենաք համեղ, տնական, բուրավետ երշիկ՝ սենդվիչների կամ բուտերբրոդների  համար։

Եթե մսի մի մասը մարինացնեք համեմունքներով, ապա արագ տապակեք թավայի մեջ, հովացնեք և մանր կտրատելով, ավելացնեք աղացած մսին՝ կստացվի թեթև, ապխտած համով երշիկ։

Բարի ախորժակ:

Տեսանյութ

Հավի բաստուրմա