Առաջարկում ենք պատրաստել Տնական երշիկ սեփական ձեռքերով և վստահորեն հրամցնել ընտանիքին:
Ջեռոցում թխեք համեղ մսամթերք ու կարող եք չանհանգստանալ, երբ տանը ուտելու բան չկա, իսկ երեխաները սոված են: Այդ դեպքում կարող եք նրանց մի կտոր տնական նախուտեստ տալ, մինչև հիմնական ուտելիքը պատրաստ կլինի:
Տնական երշիկ. Անհրաժեշտ են հետևյալ բաղադրիչները
— խոզի միս 1 կգ
— տավարի միս 0,5 կգ
— չոր սոխ 1 ճաշի գդալ
— չոր կաթ 20 գ
— չոր սխտոր կես թեյի գդալ
— մշկընկույզ կես թեյի գդալ
— սև պղպեղ կես թեյի գդալ
— աղ 21 գ
— սառցաջուր 240 մլ
Տնական երշիկ. Պատրաստման եղանակը
_Պատրաստել միսը և մանր կտրատել:
_ Վերցրեք խոզի միսն ավելի շատ քան տավարի միս և յուրաքանչյուր կտորը մի փոքր ծեծել։
_Չոր կաթը միացնել բոլոր համեմունքների հետ, խառնուրդը լցնել մսի մեջ, ավելացնել սառցաջուր և մանրակրկիտ խառնել։
_Ցանկալի է առնվազն 10 րոպե հունցել, մինչև միջուկը կպչուն լինի։ Ծածկել թաղանթով և դնել սառնարանը 16 ժամով։
_Զանգվածը բաժանել 2 մասի և երշիկի տեսքով դնել թաղանթի վրա, թաղանթով պինդ փաթաթել մի քանի շերտ։
_Պոչերը լավ կապել, պարանով փաթաթել, ինչպես ծխահարելիս։ Թող մնա 30 րոպե։
_Ջեռոցը տաքացնել 90 աստիճան, երշիկը դնել ջեռոցի տապակի կամ կաղապարի մեջ, թխել 3 ժամ։
_ Երշիկը պատրաստ կլինի, երբ դրա ներսում ջերմաստիճանը լինի 72 աստիճան։
Միսը կարելի է վերցնել ցանկացած համամասնությամբ։
Բարի ախորժակ:
Տեսանյութ
Հավի մսով ռուլետ