Վաղուց ես խանութից երշիկ չեմ գնել: Եվ ձեզ էլ առաջարկում եմ պատրաստել տնական երշիկ: Այն շատ համեղ և մատչելի է ստացվում:
Ես սկսում եմ պատրաստել տնական հավի կրծքամսով երշիկ: Նման համեղ ուտեստը պատրաստվում է ընդամենը 40 րոպեում: Միևնույն ժամանակ, երշիկը ցածր կալորիականությամբ և բնական է, ինչը շատ կարևոր է: Փորձեք և վայելեք արդյունքը:
Տնական երշիկ. Անհրաժեշտ բաղադրիչները
_Հավի կրծքամիս 500 գր
_Կաթ 200 մլ
_Ձու 1 հատ
_Սխտոր 2 պճեղ
_Աղ 4 գր
_Պապրիկա 15 գր
_Ճակնդեղի հյութ 30 մլ
_Չեդեր 100 գր
Տնական երշիկ. Պատրաստման եղանակը
_Հավի կրծքամիսն ու սխտորը կտրատել: Բլենդերով մանրացնել մինչև հարթվի:
_Այնուհետև ավելացնել ձուն, աղը, պղպեղը, կաթն ու ճակնդեղի հյութը:
_Կրկին հարել բլենդերով: Դուք պետք է ստանաք թանձր, լավ բույր ունեցող զանգված:
_Ապագա երշիկի հիմքը տեղափոխել խորը ամանի մեջ և չեդերը քերել մեջը:
_Կպչուն սննդային թաղանթը տարածել փայլաթիթեղի վրա և հավով պանրի զանգվածը ամուր փաթաթել:
_ Դնել երշիկնռրը տապակի մեջ, լցնել մի քիչ ջուր, կափարիչով ծածկված եփել 40 րոպե միջին կրակի վրա:
_Մնում է միայն սառելուց հետո կտրատել: Բնական, համեղ երշիկը պատրաստ է:
Ես այն առաջարկում եմ իմ հյուրերին կտրատված վիճակում, իսկ երեխաները սիրում են հավի երշիկը լոլիկով ձվածեղի մեջ:
Բարի ախորժակ:
