Առաջարկում ենք տնական խոզապուխտ պատրաստել խոզի կրծքի մսից՝ երշիկի փոխարեն։ Այս բաղադրատոմսով կպատրաստեք շատ պարզ ու հեշտ: Այսպես տապակած կրծքի միս հաջող է ստացվում, ոչ շատ յուղոտ, և բավական հյութալի։
Այն հիանալի կերպով կտրատվում է սենդվիչների համար, չի քանդվում, մնում է ամբողջական: Մեր առաջարկած տնական, փորձած բաղադրատմոսով պատրաստեք այս համեղ նախուտեստը:
Տնական խոզապուխտ. Անհրաժեշտ բաղադրիչները
_Խոզի կրծքի միս 1800
_Բաց գույնի գարեջուր 500 մլ
_Սոյայի սոուս 50 մլ
_Պղպեղի խառնուրդ 1/2 թեյի գդալ
_Պրովանսյան կանաչիներ 1 թեյի գդալ
_Չորացրած սխտոր 1 թեյի գդալ
_Պապրիկա 1 թեյի գդալ
_Աղ 1 թեյի գդալ
_Շաքարավազ 1 թեյի գդալ
Տնական խոզապուխտ. Պատրաստման եղանակը
_Վերցնել խոզի միսը, լվանալ, ապա մանրակրկիտ չորացնել։
_Կտրել հարմար կտորներով:
_Կրծքամսի կտորները տեղափոխել խորը տապակի մեջ, տապակել երկու կողմից։
_Ավելացնել պղպեղի, չոր սխտորի, պրովանսյան կանաչիների, աղի խառնուրդը և ամբողջի վրա լցնել գարեջուրը։
_Հետո ավելացնել սոյայի սոուսը, ծածկել կափարիչով և եփել թույլ կրակի վրա 20 րոպե:
_Պապրիկան, շաքարավազը լցնել, հետո եփել 1,5-2 ժամ կափարիչով ծածկված, պարբերաբար շրջել մսի կտորները։
_Պատրաստի կրծքի միսը տեղափոխել մատուցման ափսեի մեջ, թողնել, որ սառչի և ամբողջ գիշեր դնել սառնարանը։
Բարի ախորժակ:
Տեսանյութ
Խոզի ապուխտ տնային պայմաններում