Տնական կաթնաշոռ. Այնքան համեղ է, որ երեխաները մեծ հաճույքով կուտեն
Այսօր ուզում ենք ներկայացնել մի պարզ եղանակ, որի օգնությամբ կարելի է տանը պատրաստել կաթնաշոռ թթվեցրած կաթից:
Կաթնաշոռը շատ համեղ է ստացվում, այնպես որ, կարող եք այն ուղղակի հացին քսել և վայելել նախաճաշին: Ամենակարևորն է այս հարցում, որ ձեռք բերեք իսկական տնական կաթ: Վերցրեք միայն այն վաճառողներից, ում բերած մթերքի որակին վստահ կլինեք:
Տնական կաթնաշոռ. Բաղադրությունը.
- Տնական կաթ
Տնական կաթնաշոռ. Քայլ առ քայլ բաղադրատոմս
- Լցնել կաթը երեք լիտրանոց բանկաների մեջ և թողեք, որ թթվի:
- Վերևում հավաքված թթվասերը գդալով դատարկել առանձին բանկայի մեջ:
- Կաթսայի ներքևի մասում սրբիչ փռել: Դրեք բանկա այդ սրբիչի վրա: Կաթսայի մեջ ջուր լցնել:
- Միացնել կրակի և թող ջուրը եռա: Պետք չէ փակել բանկայի բերանը: Կաթը պետք է լավ տաքացնել:
- Այս մեթոդը կատարյալ է նրանց համար, ովքեր ցանկանում են պատրաստել տնական կաթնաշոռ, բայց չունեն հատուկ սարքեր և ջերմաչափ:
- Տաքացման ընթացքում կտեսնեք, թե ինչպես է շիճուկը առանձնանում: Զգուշորեն խառնել գդալով, որպեսզի առաջացող փաթիլները կայուն մնան: Կաթսայի մեջ ջուրը պետք է մի քիչ եռա:
- Մոտ 5-7 րոպե (ամեն ինչ կախված է կաթսայի բարձրությունից) կաթսայի ջուրը պիտի եռա, այդ ընթացքում կաթնաշոռի փաթիլները սկսում են առանձնանալ բանկայի մեջ: Անջատել կրակը, բայց մի շտապեք դուրս հանել բանկա, թող այն մնա տաք ջրի մեջ:
- Դնել փլավքամին կաթսայի մեջ և վրան փռել թանզիֆ (մառլյա):
- Բանկայի պարունակությունը լցնել փլավքամիի մեջ, մի փոքր քամել, թեթևակի բարձրացնելով թանզիֆի ծայրերը:
- Թող շիճուկը ամբողջությամբ քամվի, ապա հավաքեք թանզիֆի ծայրերը և որևէ կերպ կախեք այն այնպես, որ անջատվի շիճուկը և կաթնաշոռը պատրաստ լինի:
Մեկ 3 լիտրանոց բանկայից ստացվում է 450-500 գրամ կաթնաշոռ:
Տնական կաթնաշոռը պատրաստ է:
Բարի ախորժակ: