Տնական կետչուպի ամենահաջող բաղադրատոմսերից մեկը, որով պետք չէ երկար կանգնել խոհանոցում և գոլորշիացնել սոուսը մինչև ցանկալի խտությունը։
Բաղադրատոմսը կարելի է հիմք ընդունել և պատրաստել տարբեր համով սոուսներ՝ նուրբ, ախորժակ բացող նախուտեստ։
Տնական կետչուպ. Անհրաժեշտ բաղադրիչները
_Լոլիկ 3 կգ
_Սոխ 1 մեծ կտոր
_Սխտոր 1 գլուխ
_Աղ 1 թեյի գդալ
_Շաքարավազ 3 ճաշի գդալ
_Չոր մանանեխ 1 թեյի գդալ
_Աղացած պղպեղի խառնուրդ 0,5 թեյի գդալ
_Դափնու տերև 1 հատ
_Քացախ 70% 1/4 թեյի գդալ
Տնական կետչուպ. Պատրաստման եղանակը
_Լոլիկը հյութալի սորտերի ընտրել՝ մսոտ ու կարմիր։
_Լոլիկը, սոխը, սխտորը մանրացնել մսաղացով։
_Լոլիկի զանգվածը հասցնել եռման աստիճանի և մաղի օգնությամբ քամել երեսին կուտակված հեղուկը։
_Եփել մարմանդ կրակի վրա 10 րոպե և զանգվածը հարել սուզվող բլենդերով, ցանկության դեպքում, կարելի է նորից մաղով քամել։
_Զանգվածին ավելացնել աղը, շաքարը, բոլոր համեմունքները և եփել ևս 10 րոպե կամ մինչև կետչուպի նախընտրած խտությունը:
_Լցնել քացախը և եռալուց հետո եփել մեկ րոպե։
_Կետչուպը լցնել նախապես ստերիլիզացված և չորացրած բանկաների մեջ, փակել կափարիչներով, շրջել և ծածկել սրբիչով, թողնել, մինչև սառչի:
_Կարող եք պահել ցանկացած հարմար վայրում։
Կետչուպի մեջ դուք կարող եք ավելացնել տարբեր համեմունքներ, որոնք ձեզ դուր են գալիս այս սոուսում:
Բարի ախորժակ:
Տեսանյութ
Տնական մայոնեզ
