Տնական հալած պանիր. Ընդամենը 20 րոպե և կարող եք համտեսել հիանալի և համեղ մթերք
Այս բաղադրատոմսով կարող եք ինքնուրույն պատրաստել հալած պանիր, որն անվնաս կլինի ու այն կարող եք տալ երեխաներին, քանի որ ոչ մի քիմիական հավելանյութ չի պարունակում: Արդյունքն աներևակայելի համեղ և քնքուշ պանիր է:
Կարող եք ավելացնել կանաչիներ, կամ համեմունքներ ըստ ճաշակի: Մի փոքր քսեք հացի վրա, ստացվում է աներևակայելի համեղ, օգտակար և մաքուր մթերք առանց կոնսերվանտների և համային հավելումերի: Համը նույնիսկ հնարավոր չէ համեմատել խանութից գնած ցանկացած պանրի հետ:
Այս մթերքը կարող եք օգտագործել թե ուղղակի հենց այդպես, որպես քսուք հացի հետ, թե ավելացնել տարբեր ուտեստների և աղցանների պատրաստման ժամանակ:
Содержание
Տնական հալած պանիր. Անհրաժեշտ բաղադրիչները
- Յուղալի կաթնաշոռ 400 գ
- Ձու 1 հատ
- Կարագ փափուկ 80 գ
- Աղ 0,5-1 թեյի գդալ
- Շաքար 0.5 թեյի գդալ
- Սոդա 0.5 թեյի գդալ
- Փխրեցուցիչ 0.5 թեյի գդալ
Տնական հալած պանիր. Պատրաստման եղանակը
- Նախ, մաքուր լվացած փոքր բանկաները ներսից բուսական յուղով յուղեք:
- Կաթնաշոռը լցնել խորը ամանի մեջ, մեջը գցել ձուն, հարել, ավելացնել փափուկ կարագ, աղ անել:
- Դրանից հետո լցնել շաքարավազը, փխրեցուցիչը և տրորել ձեռքի բլենդերով մինչև համասեռ զանգված ստացվի:
- Այս զանգվածը դնել ջրային բաղնիքի վրա և 15 րոպե եփել՝ անընդհատ խառնելով: Կաթնաշոռային զանգվածը պետք է դառնա առաձգական և ձգվի:
- Տաք պանիրն անմիջապես լցնել նախապատրաստած բանկաների մեջ:
- Ծածկել սննդային թաղանթով՝ անմիջապես մակերեսին կպցնելով և թող ամբողջովին սառչի:
Տնական հալած պանիրը պատրաստ է:
Բարի ախորժակ
Տեսանյութ
Պանրով ձողիկներ