Պրովանսյան տնական մայոնեզը ստացվում է շատ քնքուշ և համեղ: Մեկ անգամ փորձելով այս մայոնեզը երբեք, ոչ մի դեպքում, խանութից մայոնեզ չեք գնի:
Եվ եթե միշտ մտածել եք, որ մայոնեզ պատրաստելը երկար է տևում և դժվար է, մենք կապացուցենք, որ ոչ, ընդամենը 30 վայրկյան և այն արդեն ձեր սեղանին է:
Տնական մայոնեզ. Անհրաժեշտ բաղադրիչերը
_Կիտրոնի հյութ 1,5 ճաշի գդալ
_Ձու 1 հատ
_Անհոտ բուսական յուղ 300 մլ
_Աղ 0.5 թեյի գդալ
_Շաքարավազ 1 թեյի գդալ
_Մանանեխ 0.5 թեյի գդալ
_Աղացած սպիտակ պղպեղ 0.5 թեյի գդալ
_Բլենդեր
Տնական մայոնեզ. Պատրաստման եղանակը
_Հարելու համար մի բաժակի մեջ ավելացնել ձուն, աղը, սպիտակ պղպեղը, շաքարը, մանանեխը, կիտրոնի հյութը և բուսական յուղը:
_Բլենդերն ընկղմել բաժակի մեջ և սկսել հարել, անմիջապես կտեսնեք, թե ինչպես է զանգվածը ձեր աչքերի առաջ վերածվում մայոնեզի:
_Խտության առումով մայոնեզը պարզապես կատարյալ է, իսկ համը… Դե, կարծում եմ, դուք անպայման կփորձեք և կասեք:
Պարզապես ուզում ենք զգուշացնել, որ ձուն պետք է լինի թարմ, եթե ոչ տնական, ապա գոնե գնված էկոլոգիական խանութներից: Դուք պետք է վստահ լինեք դրանց որակի վրա:
Այդ դեպքում մայոնեզը կլինի ամենահամեղը:
Այս սոուսը կարող է օգտագործվել ցանկացած եղանակով, կարող եք նույնիսկ գդալով ուտել:
Բարի ախորժակ:
Տեսանյութ
Տնական մայոնեզ