Տնական պանիր. Նախաճաշի համար համեղ կաթնամթերք

Տարատեսակ հավելումներով տնական պանիրն այլևս ոչ ոքի չի զարմացնում, և շատ տնային տնտեսուհիներ այն պատրաստում են։

Ես ձեզ առաջարկում եմ նախաճաշին սենդվիչներ պատրաստելու  համար սամիթով համեմված պանրի բաղադրատոմս:

Տնական պանիր. Անհրաժեշտ բաղադրիչները

_Սամիթ 1 փունջ

_Կաթ 1 լ

_Մածուն կամ թթվասեր 200 գր

_Ձու 3 հատ

_Աղ 1 թեյի գդալ

_Պղպեղ՝ ըստ ճաշակի

Տնական պանիր. Պատրաստման եղանակը

_Սամիթը լվանալ և չորացնել, դանակով մանր կտրատել։

_Սամիթը լցնել կաթսայի մեջ և լցնել կաթը, տաքացնել մինչև գրեթե եռման վիճակի։

_Մածունը կամ թթվասերը խառնել ձվի, աղի և սև պղպեղի կամ պապրիկայի հետ կամ վերցնել պղպեղի խառնուրդ։

_Զանգվածը հարել հարիչով, մինչև հարթ լինի։

_Թթվասեր կամ մածունը լցնել տաք կաթի մեջ, խառնել և եփել մարմանդ կրակի վրա, մոտ 10 րոպե։

_Ըստ զանգվածի վիճակի՝ երբ շիճուկն արդեն առանձնացել է և պանրի փաթիլներ հայտնվեն, անջատել կրակը, կափարիչով ծածկել կաթսան և թողնել 10 րոպե։

_Զանգվածը լցնել թանզիֆով ծածկված մաղի մեջ, վրան ծածկել թանզիֆով և ծանրոց դնել, որպեսզի շիճուկը լավ քամվի, իսկ պանրի զանգվածը խտանա։

Առավոտյան այսպիսի նուրբ, բուրավետ ու առողջարար պանիր ենք ուտելու։ Պանրի զանգվածին կարող եք ավելացնել ձեր ճաշակի ցանկացած կանաչի, անուշաբույր կանաչիներ և համեմունքներ, չոր բանջարեղեն։ Օրինակ՝ այն շատ համեղ է արևի տակ չորացրած լոլիկով և քաղցր պղպեղի շերտով։

Բարի ախորժակ:

Տեսանյութ

Տապակած պանիր