Այսօր առաջարկում ենք Տնական պանիր պատրաստելու ամենապարզ բաղադրատոմսերից մեկը: Երբ ինքներդ եք պատրաստում պանիրը, կարող եք հանգիստ լինել, որ ամեն ինչ պատրաստվել է որակյալ մթերքներից և անհրաժեշտ մաքրության պայմաններում:
Քաղաքում բնակվողները չեն կարող ամեն օր տնական կաթ ունենալ, բայց, նույնիսկ եթե կաթը գնելու եք խանութից, կարելի է այն ճիշտ մշակել ու ստանալ համեղ պանիր:
Պանիրը պատրաստելու համար շատ պարզ մթերքներ ու պարագաներ են պետք: Փորձեք պատրաստել և գոհ կմնաք արդյունքից:
Տնական պանիր. Անհրաժեշտ են հետևյալ բաղադրիչները
— յուղալի կաթ 1,5 լ
— աղ 1 թեյի գդալ
— յուղալի թթվասեր 230 գ
— ձու 3 — 4 հատ
Տնական պանիր. Պատրաստման եղանակը
_ Կաթին ավելացնել աղը, խառնել և դնել միջին կրակի վրա։
_ Ձվերը հարել թթվասերի հետ: Պետք է մանրամասն հարել մինչև հարթ ու համասեռ զանգված լինի։
_ Երբ կաթը սկսում է եռալ, շատ կարևոր է՝ անմիջապես լցնել ձվի-թթվասերի խառնուրդը:
_ Անընդհատ խառնելով, հասցնել եռման աստիճանի և եփել 5-7 րոպե։
_ Երբ զանգվածի մեջ կաթնաշոռի փաթիլներ կսկսեն հայտնվել և շիճուկն առանձնանա, պետք է կրակն անջատել։
_ Մաղի վրա 2 շերտով ծալված թանզիֆ (մառլյա) փռել և կաթսայի զանգվածը լցնել մեջը։
_ Թանզիֆը ծալել տոպրակի նման, դնել մաղի մեջ:
_ Ստացված տոպրակի վրա մի բանկա ջուր դնել՝ սա կծառայի որպես ծանրոց։
_ Թողնել 2 ժամ և կարող եք թանզիֆից հանել պանիրը։
Բարի ախորժակ:
Տեսանյութ
Տապակած պանիր
