Տնական սերուցքային պանիր պատրաստելը բավականին հեշտ է: Այս պանիրը հիանալի նախուտեստ է բոլոր առիթների համար, այն կարելի է քսել հացի վրա և մատուցել սեղանին։ Շատ համեղ է, կարող եք նաև ավելացնել աղցանների մեջ։
Փորձեք պատրաստել այն, մենք երաշխավորում ենք, որ շատ համեղ կլինի: Մեզ անհրաժեշտ է միայն մածուն և թթվասեր։
Տնական սերուցքային պանիր. Անհրաժեշտ բաղադրիչները
_Մածուն 500 մլ
_Թթվասեր 500 մլ
_Աղ 1 թեյի գդալ
_Սամիթ՝ ըստ ճաշակի:
Տնական սերուցքային պանիր. Պատրաստման եղանակը
_5-6 տակ ծալած թանզիֆը դնել քամոցի մեջ։
_Խառնել թթվասերն ու մածունը, ավելացնել աղը։
_ Քամոցը դնել կաթսայի վրա, որպեսզի ավելորդ հեղուկը քամվի։
_Ծածկել թանզիֆի շերտով, վրան ծանրոց դնել և թողնել սառնարանում 2 օր։
_Նշված ժամանակից հետո սամիթը մանր կտրատել։
_Ստացված պանիրը ազատել ծանրոցից։
_Կպչուն թաղանթի վրա լցնել մանր կտրատած սամիթը, իսկ վրան դնել պանիրը և փաթաթել բոքոնի նման։
Սերուցքային պանրի համը բազմազանեցնելու համար կարելի է օգտագործել ոչ միայն սամիթ։
Համեղ կլինի պապրիկայով, խոզապուխտով, սնկով։ Կարելի է ավելացնել սխտոր, կծու պղպեղ՝ ըստ ձեր ճաշակի:
Բարի ախորժակ:
