Տոնական աղցան հավի մսով. Թեթև ուտեստ, որը հաճելի կլինի վայելել անգամ շոգ եղանակին:
Այս աղցանը կզարդարի ձեր տոնական սեղանը, և առանձնապես կարևոր է, որ բացի որակյալ մթերքներ ընտրելը, վերջնական մատուցումը նույնքան նշանակալի է:
Նման դեպքում օգնության են գալիս աղցան-ապարանջանների բաղադրատոմսերը, որոնք միշտ դիտարժան տեսք ունեն: Դե, բաղադրիչների ընտրության ժամանակ անհրաժեշտ է ուշադրություն դարձնել նրան թե ինչի վրա է արվելու հիմանական շեշտը: Օրինակ, գիտեք, թե որքան գեղեցիկ է «Նռնաքարե ապարանջան» աղցանը, որը ձևավորված է մուգ նռան հատիկներով:
Տոնական աղցանների այս տեսակի առավելությունն այն է, որ նրանք նույնքան արագ են պատրաստվում, քան ամենատարածվածները: Միևնույն ժամանակ, դրանք շատ ավելի ակնահաճո են թվում, հատկապես կտրված վիճակում: Շերտերով դասավորված բաղադրիչները պահպանում են իրենց յուրահատուկ համը: Դուք կարող եք ընդամենը 10 րոպե ծախսելով պատրաստել շքեղ ուտեստ:
Այս անգամ ձեզ կներկայացնենք «Մալաքիտե ապարանջան» աղցանի բաղադրատոմսը: Այն ներդաշնակորեն համատեղում է խաշած հավի մսի համը` քաղցր և թթու կիվիի և ընկույզի նոտաների հետ:
Տոնական աղցան հավի մսով. Բաղադրությունը
- Հավի կրծքամիս 300 գ
- Ձու 3 հատ
- Ընկույզ 50 գ
- Մայոնեզ 6 ճաշի գդալ
- Կիվի 3-6 հատ
- Գազար 2 հատ
- Կոշտ պանիր 100 գ
- Աղ` ըստ ճաշակի
Տոնական աղցան հավի մսով. Պատրաստման եղանակը
- Առանձին խաշել ձվերը, գազարն ու հավի ֆիլեն, մինչև պատրաստ լինելը աղ արած ջրի մեջ:
- Մինչ հիմնական բաղադրիչները պատրաստվում են, պատրաստեք ընկույզը: Դրանք 10 րոպե 180 աստիճանի տակ բովել ջեռոցում, ապա դրանք դանակով մանր կտրատեք:
- Հավի ֆիլեն կտրատել խորանարդիկներով, քերել գազարն ու ձվերը առանձին:
- Սկսեք ձևավորել աղցանը:
- Մատուցման ափսեի կենտրոնում մի բաժակ դրեք: Ափսեի մեջ, հավի կրծքամիսը դնել առաջին շերտով և վրայից ցանց գծել մայոնեզով: Լավ սեղմել յուրաքանչյուր հաջորդ շերտը: Այնուհետև գալիս է ընկույզների շերտը, հետո ձվի շերտ, և կրկին մի քիչ մայոնեզ: Վերջում, գազարները լցնել, ցանց անել մայոնեզով և վերևից շաղ տալ պանրով: Կեղևահան անել կիվին, կտրել բարակ կտորներով և զարդարել աղցանը բոլոր կողմերից: Որքան շատ է կիվին, այնքան ավելի գեղեցիկ կլինի ձեր աղցանը:
«Մալաքիտե ապարանջան» տոնական աղցանը` հավի մսով պատրաստ է:
Մաղթում ենք բարի ախորժակ:
