Ցիտրուսային աղցանը նրբաճաշակ և թեթև ուտեստ է բոլոր եղանակներին և ուրախ առիթներին հարմար:
Կարծում եմ այն դուր կգա ձեր հյուրերին:
Ցիտրուսային աղցան. Անհրաժեշտ բաղադրիչները
_Քաղցր մեծ նարինջ 2 հատ
_Արքայախնձոր 4 օղակ
_Երկար վարունգ 1 հատ
_Քաղցր կարմիր պղպեղ 1 հատ փոքր
_Միջին գազար 1 հատ
Սոուսի համար
_Կիտրոնի հյութ 1 ճաշի գդալ
_Ձիթայուղ 1 ճաշի գդալ
_Բրնձի քացախ 1 ճաշի գդալ
_Մեղր 2 թեյի գդալ
_Աղ՝ ըստ ցանկության
Ցիտրուսային աղցան. Պատրաստման եղանակը
_Մաքրել գազարը, բանջարեղենի մաքրիչով կտրատել գազարն ու վարունգը լայն ժապավեններով։
_Կաթսայի մեջ ջուրը եռացնել և գազարը 5 րոպե թողնել։
_Քամել քամոցով և լվանալ սառը ջրով, սառելուցը և չորացնել:
_Նարինջի կեղևը մաքրել, նարինջը կտրատել, հյութը պահպանեք։
_Արքայախնձորը մանր կտրատել, մաքրել պղպեղը սերմերից և կտրատել բարակ շերտերով:
_Փոքր ամանի մեջ լցնել նարնջի հյութը սոուսի մնացած բաղադրիչների հետ և լավ խառնել:
_Բանջարեղենն ու մրգերը լցնել աղցանի ամանի մեջ, լցնել սոուսը և խառնել։
Սեղանին մատուցել անմիջապես:
Բարի ախորժակ:
Տեսանյութ
Ժելե ցիտրուսներով
