Ցիտրուսային պունշ. Թարմացնող և համեղ ըմպելիք

Առաջիկա հանգստյան օրերի համար պատրաստեք դասական ցիտրուսային պունշ: Դրա համար ձեզ պետք կլինի ցիտրուսային հյութ, գինի և ռոմ:

Ընկերական երեկույթի հաճելի ըմպելիքը հաճույքով վայելեք: Եթե ռոմ չկա, կարող եք վերցնել սպիտակ քաղցր գինի կամ ուղղակի պատրաստել առանց դրա:

Ցիտրուսային պունշ. Անհրաժեշտ բաղադրիչները

_Նարինջ 6 հատ

_Կիտրոն 3 հատ

_Լայմ 1 հատ

_Ջուր 750 մլ

_Շաքարավազ 200 գր

_Դարչինի ձողիկներ 2 հատ

_Մեխակ 6 հատ

_Չոր սպիտակ գինի 750 մլ

_Սպիտակ ռոմ 250 մլ

Ցիտրուսային պունշ. Պատրաստման եղանակը

_Նարինջը, կիտրոնն ու լայմը խոզանակով լվանալ՝ տաք ջրով։ Մի կողմ դնել 1 նարինջ և 1 լայմ:

_Օգտագործելով քերիչ դանակ, երկու նարնջի և կիտրոնի կեղևի քերուկը հանել:

_Քամել 5 նարնջի և 2 կիտրոնի հյութը։

_Կաթսայի մեջ խառնել ջուրը, շաքարավազը, համեմունքները և երկու տեսակի քերուկը:

_Օշարակը հասցնել եռման աստիճանի և եռացնել 7 րոպե։

_Պատրաստի օշարակը քամել մաքուր կաթսայի մեջ, ավելացնել ցիտրուսային հյութը և գինին։

_Հասցնել եռման աստիճանի, վերցնել կրակից և լցնել ռոմը։

_Պունշը լցնել թափանցիկ, մեծ տարայի մեջ, ավելացնել բարակ կտրատած նարինջն ու լայմը։

Բարի ժամանց: