Խոզի բուդը մատչելի մթերք է, սակայն քչերն են այն օգտագործում ճաշ պատրաստելու համար։
Առաջարկում եմ օգտագործել իմ բաղադրատոմսը, որի օգնությամբ դուք կպատրաստեք փափուկ ու հյութալի, նուրբ, տոնական ուտեստ։
Խոզի բուդ. Անհրաժեշտ բաղադրիչները
_Բուդ 1 հատ՝ մոտ 2 կգ
_Աղ 3 թեյի գդալ
_Բուսական յուղ 30 մլ
_Քացախ 20 գր
_Պղպեղ 2 թեյի գդալ
_Մեղր 2 ճաշի գդալ
_Մանանեխ 1 ճաշի գդալ
_Սոյայի սոուս 2-3 ճաշի գդալ
Խոզի բուդ. Պատրաստման եղանակը
_Մոտ 2 կգ կշռով, լավ մսոտ բուդը մաքրել և լվանալ։
_Աղը խառնել բուսայուղի, քացախի և պղպեղի հետ։
_Մսի վրա կտրվածքներ անել, հատկապես ներսից, որպեսզի բոլոր մանրաթելերը լավ մարինացվելու հնարավորություն լինի։
_Աղ-պղպեղային խառնուրդը բոլոր կողմերից լավ քսել։
_Ծածկել փայլաթիթեղով, պետք է ընտրել հաստ փայլաթիթեղ, շատ որակյալ կամ փաթաթել մի քանի շերտով։
_Փայլաթիթեղից առաջ, որպեսզի հետո միսը չկպչի՝ այն փաթաթել յուղաթղթով։
_Թողնել մի քանի ժամ կամ ամբողջ գիշեր սառնարանում, մարինացվելու համար։
_Կարելի է անմիջապես թխել, այդպես մարինացված միսը շատ ավելի հյութալի և փափուկ լինի:
_Տապակել ջեռոցում 175 աստիճան ջերմաստիճանով՝ 4 ժամ։
_Սոուսի համար խառնել մեղրը, մանանեխը և սոյայի սոուսը։
_Փայլաթիթեղը հանել և առատորեն քսել սոուսը, չծածկել և եփել ջեռոցում ևս 20 — 40 րոպե, որպեսզի կեղևը դառնա գեղեցիկ, փայլուն և ախորժելի։
Շատ բուրավետ, փափուկ, խրթխրթան կեղևով բուդը հիանալի տոնական ուտեստ է: Պահպանեք այս բաղադրատոմսն ամանորյա սեղանի համար բուդ պատրաստելու համար:
Բարի ախորժակ:
Տեսանյութ
Խոզի միսը ջեռոցում
