Ախորժելի մակարոնեղեն. Լոլիկով և պանրով համեղ ուտեստ, որը չի զիջի իտալական պաստային

Ընդամենը 40 րոպեում կարող եք շքեղ և ախորժելի մակարոնեղեն պատրաստել։ Իտալական ոճով լոլիկով և պանրով մակարոնեղենը ձեր սիրելի ընթրիքի տարբերակներից մեկը կդառնա:

Այն պատրաստվում է բավական մատչելի ապրանքներից։ Թանկարժեք ծովամթերք չի պահանջվում: Երշիկեղենով և կոշտ պանրով այս ուտեստը պարզապես զարմանալի է:

Եթե ​​դուք պանրի սիրահար եք, ապա այս բաղադրատոմսը պետք է անմիջապես պահպանել, քանի որ այս մթերքի մեծ քանակությունն ուտեստում անպայման կուրախացնի ձեզ: Ձգվող պանիրը վերջին տարրն է, որի շնորհիվ ջեռեփուկն ունի գրավիչ ոսկե կեղև։

Ախորժելի մակարոնեղեն. Բաղադրիչներ

_Սոխ 80 գ

_Սխտոր 10 գ

_Կարագ 20 գ

_Չերի լոլիկ 50 գ

_Կաթնային նրբերշիկ 200 գ

_Սերուցք 100 գ

_Շաքարավազ 1 թեյի գդալ

_Աղ՝ ըստ ճաշակի

_Սև պղպեղ (աղացած)՝ ըստ ճաշակի

_Լոլիկի սոուս 100 գ

_Մակարոն 150 գ

_Կոշտ պանիր՝ ըստ ճաշակի

Ախորժելի մակարոնեղեն. Պատրաստման եղանակը

_Մաքրել սոխը, կտրել փոքր խորանարդներով:

_Ճզմել սխտորը, տաքացնել տապակը կարագով:

_Տապակել սոխն ու սխտորը մինչև ոսկեգույն դառնալը։

_Չերի լոլիկը մեջտեղից կիսել։

_Նրբերշիկի թաղանթը մաքրել, կտրեք դրանք փոքր կտորներով:

_Տապակած սոխ-սխտորին ավելացնել լոլիկն ու նրբերշիկը։

_Խառնել և տապակել ամեն ինչ 3 րոպե։

_Լցնել 33% յուղայնության սերուցքը։ Ավելացնել շաքարավազ, աղ և սև պղպեղ։ Բոլոր բաղադրիչները խառնում ենք։

_Ավելացնել լոլիկի սոուս: Եփել մարմանդ կրակի վրա ևս 3 րոպե, երբեմն խառնելով բահիկով։

_Մակարոնեղենը խաշել աղած ջրի մեջ մինչև փափկի: Ավելացնել դրանք սոուսի մեջ և լավ խառնել։

_Մաղադանոսը մանր կտրատել, լցնել այն մնացած բաղադրիչների մեջ և կրակի վրա պահել ևս 2 րոպե։

_Այնուհետև լցնել ամեն ինչ ջեռոցի կաղապարի մեջ: Խոշոր քերիչով քերած կոշտ պանիրը ցանել և 8 րոպեով դնել 220 աստիճանով տաքացրած ջեռոցում։

Լոլիկով և համեղ սոուսով անուշահոտ մակարոնեղենը հիանալի ընտրություն կլինի ռոմանտիկ ընթրիքի համար։

Բարի ախորժակ:

Տեսանյութ

Համեղ և արագ ընթրիք