Աղացած Մսով նավակներ. Աներևակայելի համեղ, ախորժելի և հագեցնող ուտեստ

Շատ ախորժելի և հագեցնող Աղացած Մսով նավակներ մատուցեք բանջարեղենային աղցանով և ձվի ու պանրի միջուկով:

Սա պարզապես հիանալի ընթրիք է, որով կարող եք հյուրասիրել ձեր հյուրերին:

Աղացած Մսով նավակներ. Անհրաժեշտ բաղադրիչները

_ կարտոֆիլ 3 հատ

_ աղացած միս 400 գ

_ ձու 1 հատ

_ սոխ 1 հատ

_ սխտոր 1 պճեղ

_ աղ, պղպեղ, համեմունքներ

_ պանիր 80 գ

_ ձու 4 հատ

_ 1 փոքր այսբերգ կաղամբ

_ կարմիր սոխ 0,5 հատ

_ քաղցր պղպեղ 1 հատ

_ լոլիկ 2-3 հատ

_ ձիթապտուղ՝ ըստ ճաշակի

_ մանանեխի հատիկներ

_ կիտրոնի հյութ

_ բուսական յուղ

_ համեմունքներ

_ կանաչիներ

Աղացած Մսով նավակներ. Պատրաստման եղանակը

_ Քերել կարտոֆիլը խոշոր քերիչով, ավելորդ օսլայից ազատվելու համար մի քանի անգամ ողողել սառը ջրով և քամել զանգվածը։

_ Աղացած միսը խառնել կարտոֆիլի զանգվածի, քերած սոխի ու սխտորի, ձվի հետ։ Աղ և պղպեղ անել, ավելացնել համեմունքներ ըստ ճաշակի:

_ Լավ խառնել և 30 րոպեով դնել սառնարանում։

_ Զանգվածը բաժանել 4 մասի և յուրաքանչյուրով ձվաձև կոտլետ անել, դնել յուղաթղթով ծածկված ջեռոցի տապակի վրա:

_ Կոտլետների վրա միջուկի համար խորշեր անել։ Թխել 180 աստիճանով մոտ 15 րոպե։

_ Այդ ընթացքում կաղամբը մանր և բարակ կտրատել, խառնել բարակ սոխի կես օղակների, քաղցր պղպեղի ձողիկների, ձիթապտղի շերտերի, կանաչիների, լոլիկի կտորների, մանանեխի հատիկների, աղի, պղպեղի և համեմունքների հետ։ Վերջում ցողեք բուսական յուղով։

_ Մսային փոսիկների մեջ լցնել քերած պանիրը, ապա կոտրել ձուն և թխել ջեռոցում՝ մինչև ձվերը պատրաստ լինեն։

Մատուցեք նավակները բանջարեղենային աղցանով։ Նման տաք ուտեստի բույրը կլցնի ողջ տունը: Փորձեք այն ձվի փոխարեն պատրաստել տարբեր միջուկներով և մատուցել տարբեր աղցանների հետ։

Բարի ախորժակ:

Տեսանյութ

Տնական կոտլետներով չիզբուրգեր