Կպատրաստենք Աղացած մսով ջեռեփուկ ավելի մատչելի տարբերակով, որը դուր կգա ժամանակակից տնային տնտեսուհիներին։
Նախկինում ջեռեփուկ պատրաստում էին միայն եվրոպական երկրներում։ Ենթադրաբար, այս ուտեստը պատահաբար է հորինվել։ Տանտիրուհիները հավաքում էին այն ամենը, ինչ մնում էր սեղանին ճաշից հետո։ Մնացորդներից նոր ուտեստ էին պատրաստում։ Այսպիսով, եվրոպացի կանայք կարող էին նորից կերակրել իրենց ընտանիքներին՝ առանց մթերքների վրա գումար ծախսելու:
Աղացած մսով ջեռեփուկ. Բաղադրիչները
_ աղացած միս — 400 գ
_ պանիր — 150 գ
_ աղ — կես թեյի գդալ
_ լոլիկ — 1 հատ
_ մածուն — 100 մլ
_ բուսական յուղ — 3 ճաշի գդալ
_ սխտոր — 3 պճեղ
_ սոխ — 1 հատ
_ կարտոֆիլ — 3 հատ
Աղացած մսով ջեռեփուկ. Պատրաստման եղանակը
_ Աղացած մսին ավելացնել մածուն ու աղացած սխտոր, աղ անել ու զանգվածը լավ խառնել։
_ Մաքրած կարտոֆիլը կտրատել բարակ քառորդների, խառնել բուսական յուղի և համեմունքների հետ՝ ըստ ճաշակի։
_ Թխելու ամանի մեջ լցնել կարտոֆիլի շերտը, դրա վրա լցնել նախապես քառորդ օղակներով կտրատած սոխը։
_Աղացած միսը դնել սոխի շերտի վրա և ծածկել մանր կտրատած լոլիկով։
_Պանիրն անցկացնել քերիչի միջին ատամներով, լոլիկի շերտի վրա պանրի շերտ կազմել։
_Թխել 180 աստիճան տաքացրած ջեռոցում 45 րոպե։
Արդյունքում, մեկ ժամվա ընթացքում դուք կունենաք համեղ ու հագեցնող ջեռեփուկ ընթրիքի համար։
Այս մատչելի ուտեստը ձեզ համար աստվածային պարգև կլինի, երբ դուք բոլորովին ցանկություն չունեք ճաշ պատրաստելու:
Բարի ախորժակ:
Տեսանյութ
Կարտոֆիլով և հավի մսով ջեռեփուկ
